stremys ere haly lare fadirs, the whilke crist departis til sere stedys. that men may take wetynge til thaire dry hertis. that saghe hillis. tha ere proude men. that ere raysid abouen other for riches. and thai sorowid for thaire syn. the dam of watirs, that is, the gastly haboundaunce of gastly lare passid fra man till man. and than.
16. Dedit abyssus vocem suam: altitudo manus suas leuauit. ¶ Depnes gafe his voice; heghnes liftid his hend. ¶ That is, tha that ware in the grund of illis gaf voice of gain|saiynge till sothfastnes. and heghnes of the warld raysyd powere to distroy cristen men. and neuer the lattere.
17. Sol & luna steterunt in habitaculo suo: in luce sagittarum tuarum ibunt, in splendore fulgurantis haste tue. ¶ The son and the mone stode in thaire wonynge: in light of thin aruys thai sall ga. in shynynge of thi leuenand spere. ¶ The sone crist. the mone anhede of haly kirk, sall last in rightwismen. for thai sal ga in light of thin arwis, that is, of thi wordis thrilland thaire hert, and in shynynge of thi myrakils, the whilke made thaim rade as leuenynge. and woundid thaire hert.
18. In fremitu conculcabis terram: in furore obstupe|facies gentes. ¶ In gnaystynge thou sall trede the erth; in breth thou sall stunay genge. ¶ In gnaystynge, that is, in the drede of the dome. thou sall meke the hertis of erthly men. and in breth. that is, in manaunce of endles fyre, thou sall make thaim as stunayd men. for wa that is cumand till thaim.
19. Egressus es in salutem populi tui: in salutem cum xpo tuo. ¶ Thou ert gane in hele of thi folke; in hele with thi crist. ¶ That is, thou shewid the thorgh prechours til the hele of cristen men. dwelland in hele with thi crist, ihū oure lord.
20. Percussisti caput de domo impij: denudasti funda|mentum eius vsque ad collum. ¶ Thou smate the heuyd out of the hous of the wickid; thou nakynd the foundment [S depnes.] of him til the nek. ¶ The deuyl, that is heuyd and kynge of all sunnys of pride. thou smate out of the hert of the wickid man. and swa thou made him goed. and thou nakynd him til the nek. that is, thou reft him all the happynge that he had of thi chosen men. swa that he is noght left bot heuyd of ill men.
21. Maledixisti sceptris eius, capiti bellatorum eius: venientibus vt turbo ad dispergendum me. ¶ Thou weryd
