gladnes .i. opynd my mouth in the louynge of god: abouen my fas, that is, mare than thai that shamyd me & despisid bifore. and that, for .i. ioiyd noght in pompe and vaynglory. bot in [U repeats in.] hele. that is, in ihū. that me has heghid in vertu.
3. Non est sanctus vt est dominus, neque enim est alius extra te: & non est fortis sicut deus noster. ¶ Nane is haly as is the lord. for nane other is out of the: and nane is stal|worth as oure god. ¶ Nane is haly, that is, fre of syn, as is the lord ihū crist. for nane othere is that is haly out of the. for in the and thorgh the is ilk haly man. and nane is stalworth to venge ill dedys as oure god is, that ȝeldis til ill men [U me. S menne.] eftire thaire ill will. forthi ye scorners & despisers of pore men. and honurers of riche men.
4. Nolite multiplicare loqui sublimia: gloriantes. ¶ Willis noght multiply to speke heghe thyngis: ioyand. ¶ Willis namare gif ȝoure tunge leue to speke proudly. for ȝe ere heghid in myght of this warld. for that myght is bot sorow and shame til ȝou, if ȝe be proud, ioyand in riches and in ȝoure delitys and licherys. and if ȝe vmthoght ȝou wele; ȝe sould hafe mare sorow than ioy. for ȝe [U om. S ȝee.] get nane other heuen. but if ȝe dispend thaim at godis will.
5. Recedant vetera de ore vestro: quia deus scienci|arum dominus est. & ipsi preparantur cogitaciones. ¶ Ald [U Als. S Old.] thyngis depart fra ȝowre mouth; for god of sciens is lord. and till him ere redyd the thoghtis. ¶ Ald thyngis ere leghis. fals athis. weriyngis. bakbityngis. the whilke shewis that ȝe dwell in ȝoure ald life. bot tha depart fra ȝoure mouth, that ȝe oyse thaim namare. bot take new speche in new life. for god of sciens, that all wate, and all may, is lord. straytly demand ȝoure ald errours. and til him ere thoghtis redid. for he knawis wele what ȝe thynke. and whare in ȝoure delit is maste. fyfe thyngis ere fundyn in a man. thoght. affeccioun. entent. werke. and speche. the thoght be haly. the affeccioun clene. the entent right. the werke rightwis. the speche a tempre.
6. Arcus forcium superatus est: & infirmi accincti sunt robore. ¶ The bow of stalworth is ouercumyn; and the seke ere beltid in strenght. ¶ The bow of stalworth is the trayst of riche
