LAUDATE dominum in sanctis eius: laudate eum in firmamento virtutis eius. ¶ Louys the lord in his halighis; louys him in festynynge of his vertu. ¶ In this psalme is the entent that god be louyd. for he gadird to gidire his halighis. & done away all thaire febilnes. he restorid thaim til his ymage, and sett thaim in endles bliss. forthi here he spekis of the louynge of god in his halighis glorified, and louys him withouten end. forthi the cite of god. that is, the anhede of all chosen men, is amonest to synge til god in will & mouth. In that heghnes of godis louynge all psalmody is wroght. the whilke louynge is sungyn here with swetnes in haly cumpany. for thi til whaim the prophet in bigynynge of this boke shewid the fourme of right conuersacioun, now tha resayfid [S settond.] in ierusalem of heuen. he says that god is forto loue in thaim. for he has gifen all goed til thaim. thus bigynand, louys the lord in his halighis. that is, for the ioy and the honur that he has gifen til thaim. louys him in festynynge of his vertu. that is, for he ouercome the deuyl thorgh his ded. and swa in his vertu confermyd halymen, that thai neuer may dye.
2. Laudate eum in virtutibus eius: laudate eum se|cundum multitudinem magnitudinis eius. ¶ Louys him in the vertus of him: louys him eftire the mykilnes of his gretehede. ¶ The vertu of god is that he did in thaim, that thai regne with him and in him withouten end. and thai ere the mykilnes of his grethede. for he has made thaim grete in myght. and many in noumbire. And thai haly men ere bitakynd in all there instreu|mentis of musyk, the whilke he settis for takyne [U, L takynd. S, T [S settond.] , M takyng. UII, L 448 tokene. B 953 tokens. B 467 betokenyng. B 288 tokenyng.] of godis [S goddes. U go—.] louynge. that thai betakyn [U be takyn.] that thynge for the whilke thai sall loue him. and at the trumpe he bigynnys.
3. Laudate eum in sono tube: laudate eum in psalterio & cythara. ¶ Louys him in sown of trumpe; louys him in psaltry and in harpe. ¶ Louys in sown of trumpe. that is, for the heghest brightnes of louynge that is in ȝou. louys him in psautery. that is, of all the thyngis of heuen. & in harpe, that is, of all thyngis of erth. as him that made heuen and erth.
4. Laudate eum in tympano & choro: laudate eum in
