louynge in the, outher bi thaim self or thorgh men. as tha that has na wit of louynge. ere matere of louynge til vs.
11. Gloriam regni tui dicent: & potenciam tuam lo|quentur. ¶ The ioy of thi kyngdom thai sall say; and thi myght thai sall speke. ¶ That is, thai sall say how myghtily and how wondirfully thou ordayns in thi kyngdome.
12. Vt notam faciant filijs hominis potenciam tuam: & gloriam magnificencie regni tui. ¶ That thai make knawyn til sunnys of men thi myght; and the ioy of the worship of thi kyngdom. ¶ Halymen prechand, the myght of god was made knawyn. that he will do vengaunce on ill men: and the ioy of his kyngdome, that he will coroun goed men.
13. Regnum tuum regnum omnium seculorum: & domi|nacio tua in omni generacione & generacione. ¶ Thi kyng|dom kyngdom of all warldis; and thi lordship in ilk generacioun. and generacioun. ¶ Here he louys his kyngdom of lastandnes and effect of lordship. that is now and euermare.
14. Fidelis dominus in omnibus verbis suis: & sanctus in omnibus operibus suis. ¶ Lord trew in all his wordis: and haly in all his werkis. ¶ He is trew, for he gifes all that he hight. and he is haly in his werkis. for he dos na thynge ill. bot all right|wisly and wele.
15. Alleuat dominus omnes qui corruunt: & erigit omnes elisos. ¶ Lord vpraysis all that fallis; and he rightis all smytyn down. ¶ It is noght at vndirstand that he raysis all. bot that all that ere raysid and rightid fra syn and couatys. that is thorgh him.
16. Oculi omnium in te sperant domine: & tu das escam illorum in tempore oportuno. ¶ The eghyn of all in the hopis lord; and thou gifis the mete of thaim in tydefull tyme. ¶ The eghe he kallis oure entent: if we here him. for he is mer|ciful. we aghe to drede him. for he is rightwis: & rightwisnes will. that he fill all hopand in him. bodily and gastly.
17. Aperis tu manum tuam: & imples omne animal benediccione. ¶ Thou oppyns thi hand: and thou fillis ilk beste with blissynge. ¶ That is, thou shewis the goednes of thi myght. and fillis all thi bestis, that beris thi ȝoke gladly, with blissynge of grace.
18. Iustus dominus in omnibus vijs suis: & sanctus in
