89. In eternum domine: verbum tuum permanet in celo. ¶ Withouten end; lord thi worde wonys in heuen. ¶ That is, withouten cese the kepynge of thi comaundmentis. lastis in all rightwismen.
90. In generacione & generacione veritas tua: fundasti terram & permanet. ¶ In generacioun and in generacioun thi sothfastnes; thou grundid the erth and it lastis. ¶ That is. als lange as this warld standis the sothfastnes of trouth & charite is in all thi lufers. for thou grundid the erth. that is, thou stabild haly|kirke, and it lastis in stabilnes.
91. Ordinacione tua perseuerat dies: quoniam omnia seruiunt tibi. ¶ Thorgh thin ordynaunce the day lastis; for all thyngis seruys til the. ¶ This is the endles day that has na nyght. whas sunn crist neuermare settis. for all thyngis in heuen & in erth seruys til the. for all he ordayns. of it be in sere manere. than may aman hafe mykil shame that is contrary til godis will. when all other thynge seruys til him.
92. Nisi quod lex tua meditacio mea est: tunc forte perissem in humilitate mea. ¶ Bot that thi laghe my thynk|ynge is; than perauntere .i. had peryst in my meknes. ¶ As|whasay. had noght my thoght bene festid in knawynge and doynge of thi worde, in gret pyne and anguys .i. had synnyd dedly. for he that is noght oysid in thynkynge of godis worde; he is vnkunand in gastly batayle. tharfore.
93. In eternum non obliuiscar iustificaciones tuas: quia in ipsis viuificasti me. ¶ Withouten end .i. sall noght forget thi rightwisyngis; for in thaim thou qwickynd me. ¶ Aswhasay. for .i. lif in thi [M. U, S the.] laghe. it may noght slip out of my mynde. and if .i. ay lifid; ay .i. wild thynke on thaim, for thou qwikynd my saule in kepynge of thaim.
94. Tuus sum ego, saluum me fac: quoniam iustifica|ciones tuas exquisiui. ¶ Thin am .i. make me safe; for thi rightwisyngis .i. soght. ¶ ffirst .i. wald hafe bene myne, in lust and likynge. and than .i. perisst. bot now .i. am thin thorgh grace: forthi make me safe. for .i. seke noght my willis, bot thi right|wisyngis, that thou make me [S, M. U om.] rightwis.
95. Me expectauerunt peccatores vt perderent me: testi|monia tua intellexi. ¶ Synful me abade that thai me lose: thi
