17. Vt exilaret faciem in oleo: & panis cor hominis con|firmet. ¶ That he make wel cherid his face in oyl: and bred conferme mannys hert. ¶ That is, that man [S. L maner.] rehete his thouȝt in grace of the holy gost. and brode of ryȝtwysnes conferme his her in charite. of this brede and wyne.
18. Saturabuntur ligna campi & cedri libani quas plant|auit: illic passeres nidificabunt. ¶ ffulfilde shal be trees of the felde and cedres of liban. the whilke he plantyd: there sparoes shal make thair nest. ¶ That is, meke folke. and myȝty men in the worlde. the whilke god set in the trouth. in thaim. that is, in thair godes. sparoes, that is, holy pore men. shal make thair nest. that is, thei shal hafe bodely fode of thaim. forthi has god gifen til thaim. the welth of this worlde.
19. Herodij domus dux est eorum: montes excelsi ceruis, petra refugium herenacijs. ¶ Hous of the gerfawkyn is leder of thaim: hegh hilles til hertes, the stone fleyng til vrchuns. ¶ As who sey, thof these sparous hafe bodely help of ryche men. crist, that is leder of the gerfaukyn. that is, of cruelest men [S, M. L om.] : for thaim he forsakes not when thei cum. is leder of the sparous. for of the cedirs be stird. thei may fle til him. hegh hilles til hertis. that is, the strayte cumaundmentis of god are ordeynd til lufers of contemplatyf life. the stone, that is, crist, is fleyng til vrchuns: that is, til thaim that are couerd with smale synnes: til him thei fle when anguys cumys.
20. Fecit lunam in tempore: sol cognouit occasum suum. ¶ He made the mone in tyme: the sunne knew his settyng. ¶ The moone holykyrke is, that passis with the tyme til heuen. the sunne ihū crist. that knew his deth. that he suffird for his kyrke.
21 Posuisti tenebras & facta est nox: in ipsa pertransi|bunt omnes bestie silue. ¶ Thou sett merknes and made is the nyȝt: in that shal passe alle bestis of the wod. ¶ That is, thou sett blyndhed in synful men. and merk kumbryng of hert. in thaim. in that nyȝt deuyl [So also S & B 469. B 288, & Univ. Coll. 56 ins. the before deuyl.] shal passe that ledes thaim.
22. Catuli leonum rugientes vt rapiant: & querant a deo escam sibi. ¶ Whelpis of lyons rumyand that thei rauysch: and seke of god mete til thaim. ¶ Thaim that he called bestis. he calles thaim whelpes and lyouns. for summe are princes of deuyls.
