& sua thae perischt for thair wickednes, sua that thai wite that god demes il dedes. how faile they [U2 sal. S feyle.] .
20. Velut somnum surgencium, domine: in ciuitate tua ymaginem ipsorum ad nichilum rediges. ¶ As the slepe of risand, lord: in thi cite the ymage of thaim thou sall brynge til noght. ¶ That is, als sone as the ymage sene in slepe witis away in the wakynge. swa lord, in thi cite of heuen, when thai sall be demed. thaire ymage, that is, thaire vayn ioy that thai sett vp, distroyand the ymage of god. that is, luf of sothfastnes, thurgh whilke we ere like til god. thou sall brynge till noght. for thai sall not als mykil hafe as likyninge of ioy, that nathynge may gett of the blis of heuen.
21. Quia inflammatum est cor meum, & renes mei com|mutati sunt: & ego ad nichilum redactus sum, & nesciui. ¶ ffor my hert is enflaummed and my neris ere chaungid; and .i. am broght til noght, and .i. noght wist. ¶ Aswhasay, .i. am not bigilyd with thaire dremys & slepe. for my hert is en|flaummed with fire of cristis luf, that .i. fele it brenand and turnyd in til flawme: & my neris ere chaungid. that is, my fleyssly lustis ere chaungid in til gastly delites of haly luf. swa that my saule is made all chaste in ȝernynge of heuen. and .i. am broght til noght. that is, .i. knaw that .i. lufid the thynge that noght was: & .i. not wist than that it was bot snare till my saule. that .i. had sett my hert on. bot sen that .i. knew how foully .i. erryd; .i. folow the with swa grete desire. that.
22. Vt iumentum factus sum apud te: & ego semper tecum. ¶ I am made as a best anence the; and .i. ay with the. ¶ That is, .i. am meke and tame & abil to bere thi ȝoke. til the honur of thi name. noght to plese til men. and swa .i. sall ay be with the here, & in bliss that ay sall be.
23. Tenuisti manum dexteram meam: & in voluntate tua deduxisti me, & cum gloria suscepisti me. ¶ Thou held my righthand: and in thi will thou led me, and with ioy thou me vptoke. ¶ That is, swa thou rightid my werke that my left hand wist not what my righthand did. and in thi goed will thou led me in the way of luf, that .i. ȝed [S ȝode.] not will. and with ioy of inpassibilite thou sall vptake me when .i. dye.
24. Quid enim michi est in celo: & a te quid volui super
