meas: & assumis testamentum meum per os tuum. ¶ Bot til the synful god sayd, whi tellis thou my rightwisnessis: and takis my testament thurgh thi mouth. ¶ Aswhasay. offire louynge: bot loke that thou synge not wele, and lif ill: for god sayd til the synful. whi telles thou my rightwisnes, that thou will not do in dede. and whi thou vndeuot, takis my haly testament thurght thi filed mouth. as wha say. haly wordis a [S of.] foule mouth lere not, thof it [S if thou.] rede thaim.
18. Tu vero odisti disciplinam: & proiecisti sermones meos retrorsum. ¶ Thou sothly hatid disciplyne: and keste my wordis bihynde. ¶ Thou hatis disciplyne. for if god chastye the, thou gruches. if he spare the, thou louys, and thou kastis bihynd his wordis. that is, that thou says thou settis it bihynd, that thou see it noght, and takis bifor the thi vile lust.
19. Si videbas furem currebas cum eo: & cum adulteris porcionem tuam ponebas. ¶ If thou saghe a thefe thou ran with him: and with auoutres thi porcyon thou sett. ¶ In there twa he reprehendis him of all his syn. for in couaitis & in lichery may be vndirstandin all other that men dos. for tha,
20. Os tuum abundauit malicia: & lingua tua concin|nabat dolos. ¶ Thi mouth haboundid in malice: and thi tonge gadird tresons. ¶ That is. noght anly he will noght [S. U om.] reprehend ill, or hald him still. bot he louys it. thof he wate that it is ill that he louys. and swa is treson in his hert. that his tonge gedirs til de|safynge of other men with faire wordis.
21. Sedens aduersus fratrem tuum loquebaris: & ad|uersus filium matris tue ponebas scandalum, hec fecisti & tacui. ¶ Sitand agayns thi brother thou spake: and agayns the sun of thi modere thou sett sklandire, this thou did and .i. was still. ¶ Sitand tome [S ydel.] , for it likes the to speke ill. not for slipynge of thi tonge, or in chawnce, bot with study: for that an dos standand or passand, he dos it not with will: bot thou sitand spake agayns thi brother, that is ilk man. for bakbiters spekis goed comunly of nane, bot if it be for thaire awn prow. and agayns the sun of thi modere, that is halykirke, til whaim luf ioynes vs. thou sett sclawn|dire in worde or dede, in the whilke he that is goed myght be halden [U bihalden.] ill, or less than he is: this thou did, and .i. was still. that is, .i. suffird, if thou wild turne the til penaunce: bot thou will not.
