psalme the prophet leris that na man drede thof thai haf na bodily thynge to offire til god: for oure lord couaytis lufe and louynge of vs, and noght elles. And he reprehendis riche men that wenes to be safe for thaire offrandis, or for goed that thai gif til pore men. bot wit thai wele, thof thai gafe all that thai hafe, thai be not safe, bot if thai luf god. God, makere of godis thurgh his grace. he calles goed cristen men godis, for he has gifen thaim myght to be goddis sunnes. lord of all, spake in his seruauntes, and in his aghen person in erth, and he called the erth. that is, men that ere erthe [S. U om.] ,
2. A solis ortu vsque ad occasum: ex syon species decoris eius. ¶ ffra the risynge of the sone til the west; of syon the shape of his fairhede. ¶ He cald men fra the est, bigynand; that is, at thaim that ere in light of grace, til the west. that is, til thaim. fra whaim the sone of rightwisnes departis, and thai dye in thaire syn. bot of syon, that is, fra iherusalem, is his fayrhede first shewid: for thare it bigan to be preched.
3. Deus manifeste veniet: deus noster & non silebit. ¶ God sall cum apertly; oure god, and he sall not still. ¶ He sall cum apertly to deme, and than he sall not still to say the right|wisnes of dome: bot now he is still, abidand men til penaunce.
4. Ignis in conspectu eius exardescet: & in circuitu eius tempestas valida. ¶ ffire in sight of him sall bren; and in his vmgange grete storme. ¶ Here descryues he his comynge til the dome. fire materiel. or of ill consciens, sall bren. than may the cafe drede, and stubil: in syght of him. that is, when thai sall see in him demand. that fire sall bren the face of this warld, and purge it [M. S pureget. U purged.] and make it bright. and it sall bren ill men in till hell. If oght be in goed men it sall purge thaim. and in his vmgange, that is, in his halighis. that sall sitt and deme with him. sall be storme, that is, demynge and sentence of euennes, and that gret, for it sall depart goed fra ill. this sall be an vgly storme til thaim, dryuand thaim in til endles sorow.
5. Aduocauit celum desursum: & terram discernere populum suum. ¶ He called heuen fra abouen: and the erth to depart his folke. ¶ He cumand to deme sall call heuen. that is all perfite men, to be siters with him and deme: fra abouen, that is of his myght, that is abouen. thai sall sitte an twelfe setils to deme the twelfe kyndis of israel. and he sall call the erth. that is. all that ere [S cleped.]
