the proudest bestis that is: swa that he will dye for dedeigne [U de deigne. S dede yng (interlineation).] if he be haldyn agayn his will. and a horn he has. by him is lykynd all proude men, that raises thaim vp syngulerly, and suffers na felaghis.
22. Narrabo nomen tuum fratribus meis: in medio ec|clesie laudabo te ¶ I sall tell thi name til my brether; in myddis of the kirke .i. sall loue the. ¶ His brether he callis the apostils, that lufis ilkan other as he lufis thaim: and thurgh thaire lare he loues his fadere, in myddis of the kirke, that is in comun of all rihtwismen: for whare sa god is dred and loued thar is the kirke.
23. Qui timetis dominum laudate eum: vniuersum se|men iacob glorificate eum. ¶ ȝe that dred god louys him; all the sed of iacob glorifie him. ¶ The dredand god he callis til louynge: for dred of the warld deseruys blamynge, noght louynge. the sede of iacob is the folke of cristen men, that is gadird of all the folke in erthe.
24. Timeat eum omne semen israel: quoniam non spre|uit neque despexit deprecacionem pauperis. ¶ Dred him all the sed of israel; for he forsoke noght, na he dispised the praiynge of the pore. ¶ The sede of israel is all that ere born til new life and reparaild til the sight of god. another kan noght dred god: he is pore that traistis noght in him self, bot anly in god: and bolnes noght in pompe & vanyte of this warld.
25. Nec auertit faciem suam a me: & cum clamarem ad eum exaudiuit me. ¶ He turnyd noght his face fra me; and when .i. crid til him he me herd. ¶ God turnys noght the face of his mercy fra him that cries in gastly deuocioun and brennand desire: for thar in is verraly the criynge that god heris
26. Apud te laus mea in ecclesia magna: vota mea reddam in conspectu timencium eum. ¶ At the my louynge in kirke gret; my vowis .i. sall ȝeld in syght of him dredand. ¶ Thou herd me, and forthi .i. sall loue the, and that in kirke gret, that is, thurgh all the warld: how sall be louynge: lo; my vowis, that is, the sacrifice of my fleysse and blode that .i. offird til god, .i. sall ȝeld in syght of dredand him, that thai vndirstand that it is my verray body, and that thai sall be saued thurgh it.
27. Edent pauperes & saturabuntur: & laudabunt dom|inum qui requirunt eum, viuent corda eorum in seculum
