Of holy mennes writyng".
Seint Bernard, God hit wot, [Bernardus quoque sic de eo scribit: Au|gustinus hic est validissimus malleus haereticorum.]
Line 1305
Of seint Austin þus he wrot:
"Austin is beetel strongest to felle,
Heretykes resouns forte quelle".
HIt bifel longtyme after þare [Post hoc autem, cum barbara gens(!) terram illam occupasset et sancta loca profanaret, fideles cor|pus Augustini ceperunt et ipsum in Sardiniam transtulerunt.]
Þat þe heþene folk of Barbare(!)
Line 1310
Occupyed þat ilke londe
And holi places destruyeden wiþ heor honde,
Þer seint Austin buried was;
Þerfore byful þis ilke cas
Þat cristene men token his bodi
Line 1315
And translated hit in to Sardini.
HIt bifel þenne atte last, [Transactis autem ab ejus obitu annis CCLXXX (!) circa annos domini DCCXVIII(!) Liprandus devotus Longobardorum rex, audiens Sardiniam (a Saracenis) depopulatam, sollemnes illuc nuntios misit, ut doctoris sancti reliquias Papiam deferrent,]
Whon two hondred ȝer and XXXti wer past,
In þe ȝer of vr lord bidene
Fyf hondred and eihte tene:
Line 1320
Þer com to þe heryng
Of Ludbrande, þe noble kyng
Of Longobardis, þat distruyed
Was Sardinie. þerfore anuyed
He was. he sende þider þo
Line 1325
Messagers, þat weren þro,
Seint Austins relikes as a drurye
For to bere to Papye.
Þis messagers gret ȝiftus ȝauen [qui magno pretio dato corpus sancti Augustini tulerunt et ipsum usque Januam deportaverunt.]
Seint Austines bodi forte hauen,
Line 1330
And forþ wiþ hem þei gonne hit walwe,
Til þei come to þe toun of Janwe.
When þe goode kyng herde of þis, [Quod devotus rex audiens, usque ad praedictam civitatem cum magno gaudio eidem obviavit et reverenter excepit.]
Aȝeynes þe bodi he wente, iwis,
Wiþ joye, and wiþ reuerence
Line 1335
He hit receyued wiþoute offence.
Vppon þe morwe whon hit was day, [Cum autem mane vellent corpus deducere, nullo modo de loco moveri potuit, donec rex votum emisit, quod, si se inde duci permitteret, ibidem in suo nomine ecclesiam fabricaret. Cum autem votum fecisset, statim sine difficul|tate inde deductum est, rex autem quod voverat implevit et ibidem in honorem sancti Augustini ecclesiam construxit.]
Þei wolde haue lad hit forþ on way.
Þer bifel a wondur cas:
Þei miht not meue hit from þe plas,
Line 1340
Til þe kyng a vow hedde mad
Þat, ȝif he suffrede him þennes be lad,
He wolde riht þere wiþouten blame
Buylde a chirche in his name.
When þe kyng hedde mad þe vou,
Line 1345
Lihtliche inou — i telle hit ȝou —
Þei toke wiþ hem forþ þe bere.
Þe kyng a churche let buylde riht þere.
Vppon þat oþurday wiþ god wil [Idem miraculum die sequenti in qua|dam villa episcopatus Terdonensis, quae dicitur Cassellae, contigit et eodem modo ibidem in honore sancti Augustini ecclesiam fabricavit (1356 Zus.); in|super villam ipsam cum omnibus suis appendentiis concessit servientibus ecclesiae Augustini perpetuo possidendam.]
Þe same miracle of his bodi bifil
Line 1350
In a toun of þe bisschopriche
Of Terdonence, sikerliche,
Þat men callen þere Cassel;
On þe same maner þe kyng riht wel
Let buylde a chirche of seint Austyn,
Line 1355
A wondur noble, feir and fyn;
And þat ilke same toun [Ms. In st. And, wie 1680.]
Wiþ al þe possessioun
He graunted and ȝaf wiþouten ende,
For þei of him schulde haue sum muynde,
Line 1360
To hem þat in seruise diuyn
