He onswerde wiþ milde mod:
Line 1060
"Wenestou a monk þat i wolde be?
God hit forbeode þat falle on me!
Hit com neuer ȝit in my þouht,
Ne in myn herte falle schal hit nouht".
But as þei wolken bi þe wey, [(Quid plura?) In eodem itinere saeculo valefecit et a viro Dei habitum suscepit.]
Line 1065
Seint Bernard tornde his herte, in fey,
Þat he þe world þenne al forsok
And habyt of monk of him he tok.
VPpon a tyme þorwh Goddus miht [Cum quendam militem valde nobilem ad or|dinem recepisset, et virum Dei quodam tempore sequeretur, gravissima coepit tenta|tione pulsari.]
Seint Bernard hed schoren in a kniht
Line 1070
Þat in werres tofore hedde iswonke
And þenne was bicome a monke.
Hit bifel sone afturward
Þat, as he folewed seint Bernard,
Sodeynliche ful him vppon
Line 1075
A wonder gret temptacion,
Þat made him wondur sori
And of cher ful dreri.
On of his breþeren asked him þo [Cum autem eum quidam de fratribus tam tristem videret, causam tantae tristitiae requisivit. Cui ille respondit: Scio, inquit, scio, quod nunquam am|plius laetus ero.]
What him mihte beo, to loke so.
Line 1080
He onswerde wondurliche
And seide: "i wot wel sikerliche,
Heraftur schal i not, parde,
Neuer in herte muri be".
Þat oþur monk in gret hiȝing [Quod verbum cum dictus frater ad servum Dei retulisset, ille pro eo attentius oravit, statimque ille frater, qui tam graviter tentatus et tam tristis erat, tantum caeteris apparuit jucundior et hilarior quantum prius caeteris tristior.]
Line 1085
Tolde seint Bernard his seying.
Bernard preyed God wiþ deuocion
His monk delyuere of þat temptacion.
Anon þe monk wox al muri
Þat tofore was so sori,
Line 1090
And gladdore of chere þen eni oþur.
Þen a monk, on was his broþur, [Cum autem ei (dictus) frater verbum moestitiae, quod locutus fuerat, amicabiliter improperaret, ille respondit et dixit: Etsi tunc dixi: numquam amplius laetus ero, sed nunc dico: nunquam amplius tristis ero.]
Blamed him for his heuynes
And bad him þenke on holynes.
"I seyde and onswerde sum tyme to þe
Line 1095
Þat i schulde neuer glad be,
But nou i sey, sikerly,
In herte schal i neuer beo sori".
IN Irelond dwelled, sikerly, [Cum sanctus Malachius, episco|pus Hyberniae, cujus vitam plenam virtutibus ipse descripsit (1101 Zus.), ad Christum feliciter in monasterio suo migrasset, et vir Dei pro eo hostiam salutarem offerret (1105-6 Erkl. des Dichters),]
A bisschop, was called seint Malachi,
Line 1100
Þat seint Bernard louede wel
And endyted his lyf eueridel.
Whon seint Malachi ded was,
Bernard for him song an heiȝ mas —
Of Requiem i trouwe hit were,
Line 1105
For a miracle þat ful þere.
God schewed to Bernard iwis [gloriam ejus Deo revelante cognovit et eodem inspirante post communionem formam orationis mutavit (1113-4 Zus.), laeta voce sic dicens: Deus qui beatum Malachium sanctorum tuorum meritis coae|quasti, tribue, quaesumus, ut, qui pretiosae mortis ejus festa agimus, vitae quoque imitemur exempla.]
Þat Malachi was in blis,
And enspired him of an orisoun,
To seyn at his post-comoun.
Line 1110
Aftur þe post-comoun was isonge,
He chaunged his orisoun wiþ his tonge
Of Requiem þat he schulde seie,
And seide of seint Malachie:
Deus qui beatum Maluchiam sanctorum
tuorum meritis coequasti, tribue quesumus
ut qui preciose mortis eius festa agimus uite
quoque imitemur exempla, per Cristum.
Þe chauntur hedde gret wondring [Cui dum cantor innueret quod erraret, ait: Non erro, sed novi quod dico. Deinde accedens sacra ejus vestigia osculatur.]
Line 1115
Þat he fayled of his seying,
And made signe, as he stod a ferre:
