ÞE deuel eftsones wiþ wyles cast [Altera iterum vice dyabolus volens eam terrere, in similitudinem ferarum ter|ribilium daemones ad eam venerunt, et vir quidam instigans eas dicebat: Comedite meretricem hanc. Ista autem oravit, et evanuerunt.]
Hire to fere, and atte last
In wylde beestes liknes
Deueles, boþe more and les,
Line 260
To hire he sent, and a man
Hem suwed and seide þan:
"Go forþ, ȝe beestes, euerichon
And eteþ þis comuyn wommon!"
To God þenne heo made hire preyere:
Line 265
Þei vanischt awey alle in fere.
OF knihtes heo sauh a cumpaygnie [Altera vice multitudo mili|tum veniebat, quam princeps praecedebat, et eum caeteri adorabant; dixeruntque mi|lites Theodorae: Surge et adora principem nostrum. Quae respondit: Dominum deum adoro. Quod cum principi nuntiatum fuisset, jussit eam adduci et tot tormentis affici, ut mortua putaretur; et postmodum omnis turba evanuit.]
Anoþur tyme wiþ hire eȝe,
And as a prince tofore hem dude gon [as wohl zu tilgen.]
And þei him worschiped euerichon,
Line 270
To Theodora þe knihtes gon sei:
"Arys vp al in good fey
And vre prince loke þou adoure,
Þat lord is of gret honoure!"
Þen heo onswerde anon riht:
Line 275
"I worschipe him wiþ al my miht:
Mi lord God, of mihtes most,
And bouht vs alle þat weren lost".
To heore prince aȝein þei breid
And tolden him what heo hedde iseid.
Line 280
And he comaunded wiþ gret talent
Þei schulde hire trauayle wiþ torment,
Til þat heo weore wel neih dede,
"Loke ȝe quyte hire so hire mede!"
And þen þei alle vppon o fliht
Line 285
Vanisch(t) awey out of hire siht.
ÞE deuel in anoþur wyse [Alia iterum vice vidit ibidem aurum multum, quae, signans se, illud refugit et Deo se recommendavit.]
Tempted hire wiþ couetyse:
For on a tyme heo say muche gold
And oþur tresur monyfold.
Line 290
Heo blessed hir þenne wiþ þe crois
And wiþouten more nois
Heo preyed God to ben hire help,
Þat, where he loueþ, wol not ȝelp.
Heo fleyȝ þerfro as hitterly
Line 295
As mon wolde from an enemy.
ANoþur tyme þer com to hire [Altera etiam vice vidit quendam, canistrum plenum omni genere ciborum feren|tem et dicentem sibi: Dicit princeps qui te cecidit: tolle, comede, quia nesciens fecit hoc. Illa autem se signavit, et protinus evanuit.]
A mon þat a basket dude bere,
Ful of alle maner of mete,
And seide: "þe prince þat þe bad bete
Line 300
Bad þou schuldest take þerof and ete,
And þat for noþing þou schuldest lete;
For vnwityng he bad his men,
And wiþ wrong, bete þe þen".
Þenne wiþ þe crois heo hire blessed,
Line 305
And anon þenne hit vanisched.
AT þe seuen ȝeres ende [Completis autem septem annis abbas, patientiam ejus considerans, eam reconciliavit et cum puero suo in monaste|rium introduxit.]
Þe abbot tok riht wel to muynde
Theodorus longe pacience,
And of good concience
Line 310
His monk reconciled aȝen,
Wiþ his child in munstur to ben.
And aftur þat al two ȝer [Ubi cum duos postmodum annos laudabiliter peregisset, puerum accepit et secum illum in cella sua clausit.]
Wiþ monkes in cloistre liued in fer.
VPpon a day wiþouten were
Line 315
In to hire celle heo wente hire,
In to hire þat child heo clept
Þat heo so longe tofore hed kept,
And, whon heo adoun was set,
Þe dore to hire faste heo schet.
Line 320
Whon þe abbot of þis wuste, [Quod cum abbati revelatum fuisset, misit quosdam monachos, qui diligentius auscultarent quidnam cum eo loqueretur.]
