Ȝonde sitteþ a verrei mon.
Nou is seo soþ as men han sayde:
Line 380
Lo heer an herte for a maide,
Hit is soþ, as to my siht:
Of a mayden we haue a kniht.
I haue ofte herd men seye a clatur [At etiam audieram, et non credideram, quod aquas Christus in vina convertit; jam mutare coepit sexum.]
Þat in to wyn Crist torned þe watur,
Line 385
And nou he leueþ not beohynde
For to chaunge monnes kynde.
Go we heonne, for ȝit we ben [Recedamus hinc, dum adhuc quod fuimus sumus; numquid et ipse mutatus sum qui aliud cerno quam credo?]
As we weren-hit is wel sen.
Wheþer i beo chaunged, nou i meue,
Line 390
On forte seo, anoþur to leeue?
Whon i com to þe bordel sted, [Ad lupanar veni: cerno vadimonium: et tamen dum mutatur(!), egrediar: pudicus exibo qui adulter in|travi. Iudicio rei, quia debebatur tanto corona victori, damnatus est pro virgine qui pro virgine comprehensus est (der engl. Dichter macht auch den Anderen zum Mär|tirer, vgl. 399).]
Þer me þinkeþ i seo a wed
For þat þing þat was ido,
And i my self am chaunged also:
Line 395
Out of þis hous chast schal i go,
Þat as avouter com in wel þro".
HIt bifel aftur, certeyn,
For Godus loue þat mon was slayn.
And riht also was þe kniht.
Line 400
But þat was a wondur siht [Ita de lupanari non solum virgines sed etiam martires exierunt.]
Þat out of þe bordel schulde take þe wey
A mayden clene and martires twey.
Hit is told þat, whon þis kniht [Fertur puella ad locum supplicii cucurrisse, certasse ambos de nece (408-12 nicht im lat.).]
Touward his juwyse was idiht,
Line 405
Þe maiden to þat place ron
And wiþ him þus striue bigon:
"Wenestou, heo seide, þat þou for me
Schalt take þe juwyse and ded be,
And i so schulde leose my mede
Line 410
Þat i schulde haue for martirhede?"
Þen þe kniht seide: "certeyn, [Cum ille diceret: "Ego sum jussus occidi, te absolvit sententia, quon|iam me tenuit", at illa clamavit: "Non ego te vadem mortis elegi, sed praesidem pudoris optavi; si pudor quaeritur, manet sexus: si sanguis exponitur, fidejussorem non desi|dero! unde dissolvam habeo, in me lata est sententia quae pro me lata est.]
I am sent hider to beo slayn;
Þe sentence, mayden, asoyleþ þe,
Whon þat hit passeþ on me".
Line 415
Þen heo cried and seide: "nay, nay,
I ches þe not my wed to lay
For my deþ, but i þe ches
To beo pris of my clannes;
For þauh my clanhed beo isouht,
Line 420
Ȝit my kuynde chaungeþ nouht;
Ȝif þat men asken my blood,
I nul hit not borewen, beo þe rod!
For i haue þis ilke day
Wher of my self forte pay.
Line 425
In me þis sentence is ȝiue,
For me hit is þat i not liue. [Certe si pecuniae te fidejussorem dedissem et, absente me, judex tuum censum foeneratori adjudicasset, eadem me sententia convinceres meo patrimonio solvere tuos nexus; si recusarem, quis me indignam morte censeret? quanto major est capitis hujus censura?]
Herken hou i schal hit schawe
Bi good proces of þe lawe:
Ȝif þou heddest for mypreyere
Line 430
Mi borwh bicomen for money here
And aftur þat for myn absence
Þe juge hedde ȝiuen such a sentense
Þat þou to him schuldust make þe pay
Of whom i borwed þe monay,
Line 435
Þe same sentence condempne schuld me
To paye to þe þat ilke mone
Of myn oune heritage,
Ȝif þat i were of ful age;
Ȝif i refused þat to pay,
Line 440
Who is þat, þat nolde say
Þat I nere worþi to beo dede
Þat so vnkuyndely quit þi mede?
Nou þou maiȝt seo þe same skile
In þis doyng, ȝif þat þou wile.
Line 445
