Sammlung altenglischer legenden, grösstentheils zum ersten male hrsg. von C. Horstmann.

                                
                                  Hire loos sprong þorw al þe cite
                                
                                  Þat a wisor creature miȝte non be.
                                  Line 60 
                                
                                  And for hir wisdam & hire feirnesse
                                
                                  Heo was desyret of more & lesse
                                
                                  To wedden hire to heore sones ȝinge,
                                
                                  And sum striuen wiþ hir fader for þat þinge.
                                
                                  Þen was þer a noble mon of þat cite
                                  Line 65 
                                
                                  Þat passed alle oþure of riches & fee;
                                
                                  He asked Pathnucius douȝter feire
                                
                                  His sone to wedden þat was his heire.
                                
                                  And hire fader verrament
                                
                                  Þerof was fayn & to him asent. [Ms. a sent.] 
                                  Line 70 
                                
                                  He tok his douȝter, as ȝe may here,
                                
                                  Þat was of elde XVIII ȝere,
                                
                                  And brouȝt hire to þe abbeye
                                
                                  þer he was wont to bidde & preye,
                                
                                  And tok wiþ him muche oþur goode
                                  Line 75 
                                
                                  And ȝaf þe monkes, to buggen hem foode.
                                
                                  TO þe abbot þen he brouȝte þat maide.
                                
                                  "Þe fruit of þi praiȝers, lo her!" he saide,
                                
                                  "Preye for hire to god almiht:
                                
                                  Forte marien hire I haue Itiht".
                                  Line 80 
                                
                                  Þe abbot bad hire to þe hoste be brouȝt:
                                
                                  To speke wiþ hire þer haþ he þouȝt.
                                
                                  And whon þei þidere Icomen were,
                                
                                  He blessed hire wiþ goode chere,
                                
                                  And seyde: "douȝtur, I counseyle þe
                                  Line 85 
                                
                                  To liue in pacience and humilite,
                                
                                  In chastite also, I rede,
                                
                                  And ouer alle þing þi god þou drede".
                                
                                  Þen dwelled þei þere þreo dayes stille
                                
                                  And herden heore seruise wiþ gode wille.
                                  Line 90 
                                
                                  Pathnucius of hire lyuinge was wel payed
                                
                                  And of hir holynesse; he meruayled & sayd:
                                
                                  "Þeose seruauns of god Iblesset þei beo
                                
                                  Þat liuen as angles in heore degre,
                                
                                  And aftur þis wiþouten drede
                                  Line 95 
                                
                                  Euerlastynge lyf schal ben heore meede".
                                
                                  Þen wax his herte in god studefaste
                                
                                  And to his seruise holliche him caste.
                                
                                  Þen aftur þreo dayes Pathnucius went
                                
                                  To þe abbot wiþ good entent
                                  Line 100 
                                
                                  And seide: "fader, I preie þe,
                                
                                  Cum spek wiþ my douhter fre
                                
                                  And prey for hire, as I truste on þe,
                                
                                  For we wol walken in to þe cite".
                                
                                  And whon þe abbot was comen þat stounde,
                                  Line 105 
                                
                                  Heo felde at his feet vppon þe grounde
                                
                                  And seide: "fader, þou preye for me
                                
                                  To þe holy trinite
                                
                                  Þat he wolde of his godnes
                                
                                  Mi soule wynne to his blis".
                                  Line 110 
                                
                                  HE tok his hond & blessed hire þere
                                
                                  And seide þeos wordes, as ȝe schul here:
                                
                                  "God, þat knowest mon er he weore Ibore,
                                
                                  Let þis creature neuere ben forlore
                                
                                  And graunt hire felauschipe & part also
                                  Line 115 
                                
                                  In heuene, whon heo schal heonnes go!"
                                
                                  Þenne tok þei heore leue of þat holy mon
                                
                                  And wente in to þe cite anon.
                                
                                  And whon hire fader bi wei or streete
                                
                                  Eny of þeose monkes couþe fynden or mete,
                                  Line 120 
                                
                                  To his hous he wolde hem bringe
                                
                                  To preye for his douhter in alle þinge.
                                
                                  Þenne hit bifelde vppon a day
                                
                                  þat a gret feste scholde ben in þe abbay.
                                
                                  Þe abbot a monk to Pathnucius sent
                                  Line 125 
                                
                                  And bad him cum þider wiþ good entent.
                                
                                  And whon þe monk com to his hous,
                                
                                  He asket after Pathnucius.
                                
                                  His seruauns seiden wiþouten weere
                                
                                  He walked forþ riht nou heere.
                                  Line 130 
                                
                                  And Eufrosyne, þat noble may,
                                
                                  Asked þe monk wiþoute delay:
                                
                                  "Sei me, broþer, for charite
                                
                                  How mony monkus atome beo ȝe?"
                                
                                  Þe monk hire tolde witterli:
                                  Line 135 
                                
                                  "We ben þre hundret & two & fifti".
                                
                                  Þen spac þat mayden to him anon:
                                
                                  "What, & þer coome to ȝou a mon
                                
                                  þat wolde aske þe hous for charite,
                                
                                  Wolde not ȝor abbot graunten, ȝe?"
                                  Line 140 
                                
                                  He onswerde & to hire sayde:
                                
                                  "Ȝus, þerof we ben riht wel apayde,

About this Item

Title: Sammlung altenglischer legenden, grösstentheils zum ersten male hrsg. von C. Horstmann.
Author: Horstmann, Carl, b. 1851.
Canvas: Page 175
Publication: Heilbronn,: Gebr. Henninger,; 1878.
Subject terms: Legends; English poetry; Saints

Technical Details

Collection: Corpus of Middle English Prose and Verse
Link to this Item: https://name.umdl.umich.edu/ajd8171.0001.001
Link to this scan: https://quod.lib.umich.edu/c/cme/ajd8171.0001.001/181:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:ajd8171.0001.001

Cite this Item

Full citation: "Sammlung altenglischer legenden, grösstentheils zum ersten male hrsg. von C. Horstmann." In the digital collection Corpus of Middle English Prose and Verse. https://name.umdl.umich.edu/ajd8171.0001.001. University of Michigan Library Digital Collections. Accessed June 19, 2025.

Sammlung altenglischer legenden, grösstentheils zum ersten male hrsg. von C. Horstmann.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item