Sammlung altenglischer legenden, grösstentheils zum ersten male hrsg. von C. Horstmann.

                                
                                  þat þis child shal vnderfonge;
                                
                                  He hyȝede blyue & nes nout longe.
                                
                                  A robe he dude hire apon
                                
                                  Ant euesede hire ase a mon. [euesien = tondere.] 
                                
                                  Þe maidnes nome wiþoute lees
                                  Line 65 
                                
                                  Maryne ycleped wes:
                                
                                  Hire fader hire made be cleped Maryn —
                                
                                  & nou heo ys don in shryn.
                                
                                  Hire fader hire brohte to þat abbe —
                                
                                  Feir chil it ys forte se.
                                  Line 70 
                                
                                  Swyþe wel it wes ytaht;
                                
                                  Hit wolde aryse to þe mydnaht
                                
                                  Ant go to matines þe monkes yfere,
                                
                                  Ant wel leornede huere manere.
                                
                                  Sone þerafter þe habit he nom,
                                  Line 75 
                                
                                  Ant holi monke þis may bicom.
                                
                                  Such cas þis child wes byfalle:
                                
                                  His fader wes ded — so we shulen alle.
                                
                                  Þe abbot & þe couent bo
                                
                                  Loueþ Maryn, þe ȝonge monke, so,
                                  Line 80 
                                
                                  þat hue him putten to baylye
                                
                                  Ant maden him maister of panetrie.
                                
                                  He heueden a stude þerbiside,
                                
                                  Ant Maryn moste þider ryde;
                                
                                  Þider he eode to houses neode, [Ms. honses.] 
                                  Line 85 
                                
                                  Ant for no shome, god forbeode.
                                
                                  Þer wes a deye in þat won [deye st. deyer?] 
                                
                                  A dohter heuede, a feyr womon.
                                
                                  Þider com a knyht of valour
                                
                                  Ant louede þis may par amour;
                                  Line 90 
                                
                                  So he speken ant weren at on,
                                
                                  Þat wiþ childe wes þat womon.
                                
                                  Þo seide hire moder wiþ wordes milde:
                                
                                  "Leue dohter, þou art mid childe.
                                
                                  Who is þe fader? tel me anon!"
                                  Line 95 
                                
                                  "Þe ȝonge monke, bi seint Jon!"
                                
                                  "Wher mette ȝe on yfere?"
                                
                                  "Y (n)the berne þer we were, [Ms. ythe st. yn the?] 
                                
                                  Ant toke me forþ aȝeyn þe pes;
                                
                                  Al to soþe so hit wes".
                                  Line 100 
                                
                                  Hit byfel þe child wes bore
                                
                                  Ant ybroht þe monke byfore.
                                
                                  Þe word sprong to al þe couent:
                                
                                  Þe tolde þe monke him yshent. [Ms. þe = þo.] 
                                
                                  Lutel he speke ant sihte sore,
                                  Line 105 
                                
                                  And seide on god, me leh, wel more.
                                
                                  Þe abbot lette after þe monke sende,
                                
                                  Ant seide: "þou ne dudest nout ase hende
                                
                                  To bynymen þat may hire wareisoun,
                                
                                  For enykunnes gersoun.
                                  Line 110 
                                
                                  Al to soþe y þe sugge
                                
                                  Þou hit shalt ful dere abugge,
                                
                                  Penaunce þe tid alle gate:
                                
                                  Buen yput out at þe ȝate.
                                
                                  Þre ȝer þer þou shalt ligge
                                  Line 115 
                                
                                  Ant þi gult ful deore abugge.
                                
                                  "Bringeþ him out, þat y se,
                                
                                  Y preye ou for þe loue of me!"
                                
                                  "Ich habbe ysunged: merci y crie.
                                
                                  Þou me help, sone Marie!
                                  Line 120 
                                
                                  Help me, ȝef þi wille beo,
                                
                                  Louerd, þat restest on rode treo!"
                                
                                  Þe monke is to þe ȝate ybroht,
                                
                                  For al is bone him geyneþ noht;
                                
                                  Þo he wes at þe ȝate out þrast,
                                  Line 125 
                                
                                  Anon þat child wes on him cast.
                                
                                  Þer he dreȝede muche wo,
                                
                                  Þe chil & þe monk al so,
                                
                                  Ant heden deȝed for pouerete,
                                
                                  Nede help of þe oþere monkes be:
                                  Line 130 
                                
                                  Vch day heo him ȝeuen an hyse bred;
                                
                                  Elles for hunger he heuede be ded.
                                
                                  Ant him arewede ful sore
                                
                                  þat he heuede leȝe þer so ȝore.
                                
                                  Þenne speke þe porter:
                                  Line 135 
                                
                                  "Habbeþ reuþe of þis monke her,
                                
                                  Ant bitime doh him to deþe! [Ms. doh st. doþ.] 
                                
                                  For hunger her he liueþ vnneþe".
                                
                                  Þenne speke þe priour —
                                
                                  God him ȝeue muchel honour! —:
                                  Line 140 
                                
                                  "Tymliche he shal tolyured be [tolyured = delivered (so 145).] 
                                
                                  Þourh myn help & my pouste".
                                
                                  Þe priour com to þe couent,
                                
                                  Ant seide: "sires, verreyment,
                                
                                  Deliure we þis prisoun among vs alle;
                                  Line 145 
                                
                                  We nuten wet cas vs may byfalle".
                                
                                  Þenne saide þe abbot:
                                
                                  "Þat is soht, god hit wot". [soht st. soth.]

About this Item

Title: Sammlung altenglischer legenden, grösstentheils zum ersten male hrsg. von C. Horstmann.
Author: Horstmann, Carl, b. 1851.
Canvas: Page 172
Publication: Heilbronn,: Gebr. Henninger,; 1878.
Subject terms: Legends; English poetry; Saints

Technical Details

Collection: Corpus of Middle English Prose and Verse
Link to this Item: https://name.umdl.umich.edu/ajd8171.0001.001
Link to this scan: https://quod.lib.umich.edu/c/cme/ajd8171.0001.001/178:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:ajd8171.0001.001

Cite this Item

Full citation: "Sammlung altenglischer legenden, grösstentheils zum ersten male hrsg. von C. Horstmann." In the digital collection Corpus of Middle English Prose and Verse. https://name.umdl.umich.edu/ajd8171.0001.001. University of Michigan Library Digital Collections. Accessed June 17, 2025.

Sammlung altenglischer legenden, grösstentheils zum ersten male hrsg. von C. Horstmann.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item