Hic ient ad aquam pueri cum ollis.
AFterward on an oþer day
Line 345
Euery chyld to oþer gan telle:
"Wend we fort wt good aray
Onto þe water, our pottys to fylle!"
Alle hee lokyddyn, I ȝou say, [Ms. lokȳddyn. —]
Qwych of hem was most snelle;
Line 350
Hee ȝedyn fort in here way,
Ful lytyl qwyle gun þei duelle.
Jhesu fyrst þe water hent.
Arka dede Jhesu wrong:
Hys pot to-brak, þe water out went.
Line 355
Jhesu seyde: "suych xalt þou fong".
Þan Jhesu hol hys pot gan make,
Ant to hys frend he seyd anon:
"Wyl we pleyne be þe lake?
On þe sunne-bem xul our pottes gon".
Line 360
On þe sune-bem þei hem honge:
Crystes heng stylle, here gan don falle,
Alle þei brokyn, he were not stronge.
And Archa weppe sore wt alle.
"Archa", qwaþ Jhesu, þou were to blame.
Line 365
Qwy madyst þou my water to shede?
Now hast þou an oþer shame
And after þi gylt þou hast þi mede".
Josep seyde al in þat throwe:
"Jhesu is lord of gret poste,
Line 370
Wel aut we hys myth to knowe
For þe meraclys þat we se
Fro day to day for vs to shewe.
"My pot þat was brokyn on III,
It wold ben hol, & þou wold leue:
Line 375
Now help, Jhesu, þat art so fre!"
"Josep", qwaþ Jhesu, "for þi sake
Þe pottes xullyn ben hole anone".
Gret Joye þe chyldryn gun to make,
Synggande to toune he wentyn home. [345-380) vgl. b, 325-360; beide Texte weichen von hier ab bedeutend und zuletzt ganz ab.]
Line 380
Sythen vpon an oþer day
Jhesu wt chyldere gan to mete.
He seyde: "wyl we go play
Vpon þe hylles for to lepe?"
Hee wentyn fort al in hey,
Line 385
Jhesu & hys felas alle.
Summe thoutyn hym to enuy
Wt herte bytter as ony galle.
Jhesu lep for þe maystry, [Ms. Jhesu for þe maystry lep; lep ist hinter Jhesu umzustellen.]
And oþer lepyn & hard gun falle,
Line 390
þat legges & armys sekyrly
And neckes brokyn, þei myth not kalle.
But Josep & an oþer, hys fere,
Sowyn of Jhesu gret meruayl
And seydyn þat þei myth lere:
Line 395
Jhesu to vyon wold not avayl:
"Jhesu is lord wtoutyn pere,
Noman it geynyt hym to sayl,
He dot hys wyl boþe fer & nere
At hys lykyng wtoutyn fayl".
Line 400
Jhesu seyde: "hens wel I wende
And to my moder wyl I gon
And letyn hem lygyn in þe ende,
For now þei arn dede Ichon:
To lytyl wyt he haddyn in mende,
Line 405
For avyȝen me þei done(?).
Go hom, Josep, my moder frende!
Her owyn dedys ha hem slon".
Jhesu went aforn alone,
Josep kom after wt hys fere.
Line 410
Þe Jewys komyn after sone anon,
For to sekyn here chyldryn þere,
Hee askyd Josep euerry-chon
Of here chyldryn, qwere þei were.
And Josep seyde: "dede as a ston
Line 415
Hee lyn in feld, & I am here".
Þe Jewys madyn a foul cry,
Hee seydyn: "alas, how may þat be?"
Josep seyde: "sykerly,
Hee deyid throu here nyste:
Line 420
They wold lepyn & enuy
Suete Jhesu þat is so fre,
