That the see schall rysyne and fle
More than hys myth schall be.
For drede he rysyth, hebbyth, and flowyth,
For the stronge wynd that blowyth,
Line 108
The wavys schuldyn so grete be
In-to heuyn yt wold fley. [folio 24b]
All that leuyn that yche day,
He wold flyen and he noȝte may,
Line 112
Vnder erthe they woldyn be,
That god xulde hym noȝte se.
Than he hym with-drawe,
And gon a-ȝen yn-to hys ryth lawe.
Line 116
God of heuyn that yche day,
So he brynge vs theder as he wyll may.
ix.
The nynȝth day, wondyr yt ys,
As prophycye vs seyth, i-wys,
Line 120
For euery watyr xall spekyn than,
And steyn vp be-fore a man,
And cryen than to Jesus cryste,
Ryth as they spekyne myth,
Line 124
"Lord! thys myschyffe þou ful-fyll,
For we dedyn neuer a-ȝen þi wyll
Wyth synne nor with wykyd dede,
Lord! bryng vs owte of thys drede.
Line 128
And gran[t]wȝt vs all to reste
Ther bale ys moste, and boote ys beste."
x.
The tenthe day ys day of sweme, [Sweme, trouble or grief.]
As Gregory seyth and Jeromye,
Line 132
That knelyn schall angelys bryth,
A-forn the fote of Jesus cryste.
Seyn pater [I.e., Peter.] and hys felow-rede
Schall not dore speke a word fore drede,
Line 136
He xulldyn syn heuyn on-do,
And the erthe ryth also,
