And [say], "Jesu cryste, thyn hore." [This word is ore in the Camb. MS., i.e., mercy, pity.]
iij.
The thredde day ys day non swech [In the Cambridge these two words are "syche" and "heven-ryche."]
In erthe nor yn heuyn-ryth, [In the Cambridge these two words are "syche" and "heven-ryche."]
Line 40
The hey sunne that ys so bryth,
So fayer and so full of lyth,
Schall be-cume blakker than þe pyke.
In that day t[r]ewe-lyche,
Line 44
Men xall than þe sune se
Also swart as yt may be,
Men xall sore a-ferd be
For the tokenys that they xall se.
Line 48
Alas! that we xall here a-byde
To syne sweche sorowe on euery syde.
iiij.
The forte day tokyn ys full long,
With wepynge and with sowrowe strong.
Line 52
The mone xall at the erþe stond,
To rede bloode he xall wond;
He hastyd hym sore to the grownd,
He wyll ther be leuyn no stownd,
Line 56
To the see he goth for drede,
As Moyses be-forn vs seyd.
The Mone xall waxyn brod and full rawe,
And wyndyn owth of hys ryth lawe.
Line 60
The man xall sey to hys wyffe,
"A-las! that we byn a-lyve."
v.
The fifte day comyth full swyþe,
For euery best that ys on-lyve
Line 64
Toward heuyn hys hed he halte,
Wondyr yt ys that he may walke.
He wold spekyn, and he myth,
And cryen, "mercy! Jesu cryste,"
Line 68
And klepyn, "Jesu, thyn ore,
Off that myschyffe we se no more."
