Ysaac.
I am full redy, my fader, loo!
ȝevyn at ȝowr handes I stand rygth here,
And wat so euer ȝe byd me doo,
Yt schall be don with glad cher,
Line 112
Full wyll and fyne.
Abraham.
A! ysaac, my owyn son soo dere,
Godes blyssyng I ȝyffe the and myn.
Hold thys fagot vp on þi bake,
Line 116
And her my selffe fyer schall bryng.
Ysaac.
Fader all thys here wyll I packe,
I am full fayn to do ȝowr bedyng.
Abraham. [folio 17a]
A! lord of heuyn, my handes I wryng,
Line 120
Thys chyldes wordes all to wond my harte.
Now ysaac, on, goo we owr wey
[They set off.
On to ȝon mownte, with all owr mayn.
Ysaac.
Gowe my dere fader as fast as I may,
Line 124
To folow ȝow I am full fayn,
All thow I be slendyr.
Abraham.
A! lord! my hart brekyth on tweyn, [In MS. tewyn.]
Thys chyldes wordes, they be so tender.
Line 128
