ȝe dessyer and dare not tell,
God be ȝour helpe and consell.
Line 44
644
ȝe that sysse and caterys [Sloane, querins.] haue in ye deysse,
Let be ȝour thowtes, for they be nysse,
ȝowr hart ys set in swyche a loue
That ys no thyng for ȝour be-hove.
Line 48
643
ȝe that hath cast sysse cater and trey,
ȝe be set in ryght good wey,
Bere ȝow wyll and be of good cowmfort,
For ȝe shall be lovyd and haue gret dyssort.
Line 52
642
Sysse cater and dwsse I tell ȝow tyte,
That ȝour love hath ȝow in dysspyte,
With draw ȝour hart and ryffe ȝow to pley,
For no man can hold that wyll a-wey.
Line 56
641
He that hath cast cater, as, and sysse,
ȝe be of wyt both ware and wysse,
But be war of comberyng of synne,
Thynke on the hyndyng or yt ye be gynne.
Line 60
633
ȝowr cast wosse sysse and dobyll trey;
Fortewne fall not to ȝour pay,
But yf ȝe wyll haue ȝour wyll
All that ys yll, let yt be styll.
Line 64
632
ȝe that have sysse trey and dews cast, [folio 3a]
Off a certyn thyng ȝe be agast,
But loke ȝe be trew in ȝour entencion,
And ȝe schall haue ȝour petyssyon.
Line 68
631
He that sys, trey, and as to hym takys,
In hys werkes wysely he wakys,
For he schall dessyer no thynge,
That he nowt schall spede of hys askynge.
Line 72
(622) [The figures in ( ) are supplied by me.]
ȝe that haue sys, dewes, and too,
ȝe be a ffolle, go were ȝe goo;
ȝe coveyt of non lefful thyng,
ȝe schall not spede of your askyng.
Line 76
