664
Synys and Catyr that ȝe haue cast,
Schowyt þat ȝowr hart ys stedffast,
Erre nowt but euer thynke wyll,
And ȝowr dessyer schall cumme in euery dyll.
Line 12
663
That ȝe haue cast synys and trey,
May lytely ffallyn on ȝowr pray,
ȝe mvst cast another chanche
Yff ȝe thynke ȝowr selffe to a-vans.
Line 16
662
Be synys and dewsse ȝe may trost
To haue ȝowr wyll at the last,
But I tell ȝow, with owt fayll,
ȝe schall haue myche thowt and travell.
Line 20
661
Synys and asse tell me sekerly
That ȝowr dessyer ys but folly,
Schonge ȝowr thowt, I cowncell the,
Yffe ȝe wyll not a schamyd be.
Line 24
655
Be sysse and synkys [Sloane, quynze.] that ȝe haue cast
ȝe schall haue swyche freynchepe at ye last,
Be wom ȝe schall avanteyssyd be,
And set in worchop and in gret degre.
Line 28
664
Sysse synke and Catter byndyn the,
Chonge ȝowr thowt, for yt ys but a vanyte.
Be thyng ȝow of the same thyn yt ys mor abyll,
For thys ys no thyng prophytabyll.
Line 32
653
ȝe that haue cast sysse synk and thre, [folio 2b]
ȝour dessyer to purposse browt may be,
But yf dessyer be to ȝow hygth,
Kepe ȝow fro schame both day and nygth.
Line 36
652
Sysse synke and dewsse ys ȝour cast;
ȝe dessyer, but be not agast,
For yff ȝe warke wysely in ded and thowt
To ȝour purposse, yt schall be rygth wyll browt.
Line 40
651
ȝowr cast ys sysse synke and as;
ȝe stond rygth in wonder casse,
