2 (b). All men presont and fore to cum be a [folio 69a] knowyn, þat I, Matheu Burges of Cambrege, hath ȝowyn and grantyd and be my presont cherter hath confirmyd to Wylliam doke of Cambrege and Mabyle hys wyffe, and to þe eyrys of there bodyes lawfully comyng, j place of lond with þe byldynys þer-upon edyfyed and hys pertynences in Cambregge, lyeng in þe paryes of seynth peter with-owte þe gates calyd Trumpetoungates, in þe suborbȝ of þe seyd Town, betwyn þe lond of John Morys on þe j parte and þe lond of Robert of Caston on þe toþer parte: To haue and to hold þe forseyd place of lond with þe byldynys þer|vpon edyfyed and hys pertynessys, of me and my eyres þe forseyd Wylliam and Mabyle and þe eyrys of þer bodyes lawfully comyng, frely, wyll, and in pesse for euer more, yeldyng þerof ȝerly to me and to my eyres ijd of mony at þe feste of þe berthe of owre lord, and to [MS. has "of."] þe schyffe lordes of þe fee for me and my eyres all seruyes þer-of dew and coston. And yf yt happyd þat þe forseyd W. or þe forseyd Mabyle non eyres begotyn, after þe deth of þe seyd W. and Mabyle þe forseyd place of lond with hys pertynences to me and to my eyres [shall be] fulfyllyd and retornyd ageyn. And I þe forseyd Matheu and my eyres, þe forseyd place of lond with þe byldynys þer-vpon edyfyed and þe partynences, [to] þe forseyd W. and M. and to þe eyres of þer bodyes lawfully comyng, a-ȝenns all men xall warant for euer-more. Into þe wytnesses, &c.; be þis wetenessis, &c. Govyn atte W. of þe day of Janyvere nexte after þe feste of Seynt, &c., and þe ȝere of þe reyng of kyng Edward þe therd, &c.
3 (a). Sciant presentes et futuri, quod ego [folio 69b] Johannis Broun de Burigate, consessi, dedi, et hac presenti carta mea confirmaui Ricardo de S. et heredibus de corporibus eorum [Sic plural, also in English.] legitime procreatis, vnum mesuagium cum suis
