Whan they sey hyre so sore tere,
And seyd, "fayre mayd Margarete,
That arte so fayre and so swete, [folio 42b]
Turne to hym and be hys wyffe,
Line 238
And no more with hym stryffe.
Mayd Margarete, fore the woo haue care,
And woll that þou sauyd were."
"Aftyr ȝou," [MS. has the.] sche seyd, "I [MS. has sche.] wyll not doo,
Line 242
But goo ȝowre wey me froo,
All thoo þat for me do now repente,
And se me haue thys turment,
As thynkyd bothe good and ylle,
Line 246
They schall be qwyttyd aftyr ther wyll,
The angell of Cryste cumme me too,
As faste as he myth cumme and goo."
Than be-spake syre Olybryus,
Line 250
With wylde wordys seyd thus,
"Margarete, I haue [s]weche poste,
That blynd I haue mad the all moste,
For be-fore thow haddys thy syte,
Line 254
Now þou haste non throw my myth.
Trow on my god, thow mayde,"
"Nay, for-soth syr," sche seyd,
"For thy goddys þat thow be-levys on,
Line 258
They arn dom as ony ston,
My lord to me ys full kynd,
He schall neuer owte of my mynd.
Yff thow haue pore of my fleysse
Line 262
To do þi wyll, both arde and neysse,
To reue the skyne from the bon,
Powre of my sowll gettys thow non."
To hyr a-non than he seyd,
Line 266
[In depe prisone þou schall be leyd] [The Brome has, l. 267, erroneously, "We pute Jesus Cryst to death."]
