And whan þou arte ded yan xall þou wende
To þat joy that hath non ende."
The knyth to gon full wyll he lyste,
Line 655
He was at hom longe ar he wyste,
To þe gate cam syre Howyn,
Ther was þe priowr redy hym a-geyn,
With schanowynys and with mery songe,
And summe wepynd all wey a monge,
Line 660
[All þey wer both gladde and blyþe,
þat god hadde saued þe knyȝte a-lyue.]
xv dayes and summe-wat more,
Line 663
With the chanowynys he dwellyd there,
And told them wat he had syn,
And wat peynys he had yn byn,
And oftyn he tolde hym to make hym wysse [folio 38a]
Off the joy of paradysse.
Line 668
[Thene þey wryten aftur hys mowth
That yn londe now hyt ys kowþe.]
Ther toke he stafte and crosse yn hond,
Line 671
And wenth yn to the holy lond,
And cam a-geyn bothe heyll and sownd,
And sythyn leuyd a woll good stownd,
In bedys and yn oryson,
Line 675
As men of good relygyon.
Whan he was full wyll of held,
That hys body gane vax on-wylld, [I.e. wax un-wylld = grew infirm.]
He deyed and went the ryth wey,
To the blysse that leste euer and ay.
To blysse brynge vs he,
That euer wos and euer xall be, [End of the Cotton version.]
That ys lord of mythtys moste,
Fadyr and þe sunne and þe holy goste.
Finis.
