Afterward,—þus we fynde,—
He tok þe skyn of þat [þe.] hynde,
& spredde hit þer on þe grounde,
& slepte þeron a wel god stounde.
Line 1384
¶ De Visione Bruty.
Brutus hym þoughte, [Brutus thouht.] [Petyt folio 9a:2] when he was leyd,
Diane com to hym & seyd:
" Ouer ffrance, toward þe west,
" Is an Ilde, on of þe best;
Line 1388
" ffol lykynge [wele likand.] ys þer wonyng,
" & plentiuous of ylka þyng;
" ffruit to bere, god ys þat [MS. þer.] lond;
" Þe Geauntz haue hit now in hond;
Line 1392
" Albion ys now þe name,
" þorow þe schal hit haue oþer fame,
" þer schal þou gynne a newe Troye,
" Til al þy kynde [to all þi kyne.] newe ioye,
Line 1396
" & þe kynde þat comes of þe,
" þorow al þe werld worschipd schul be;
" & þat Ilde þou hast of [þat þou has.] herd,
" Wiþ se on alle halue ys sperd." [MS. spred; P. has on ilk half is sperde.]
Line 1400
Brutus ros, & vp hym set,
He þoughte on hys drem þat he met,
& þanked Dyane hure gode wille;
And ȝyf scheo myghte his drem fu[l]fulle, [fulfille.]
Line 1404
þat he myghte þat Ilde take,
In hure name he scholde do make
A temple god, an [&.] ymage hende,
& worschipe hit [hir.] til his lyues ende.
Line 1408
