" & at þy biddynge we wyl bowe:
" Doute þe nought, we are ynowe;"
Line 900
Als þey til hym spek often [till spak oft.] þus,
A bacheler men calde Assarakus
Was born y þe lond of Grece;
Of þat blod he hadde a spece,
Line 904
ffor his ffader was Gregeys,
Hys moder of Troye, þe stori seys;
Hys ffader was a lordynge,
Þe most of þe lond saue þe kynge,
Line 908
And gat hym opon bastardie
By on of Troye in rybaudie;
& for he gat hym on his rage,
He gaf hym in heritage
Line 912
Þre casteles þat weren gode,
Tyl his cloþynge & his fode.
Hys brethren wold han [his breþer wild haf.] reft hit hym,
Bot he bar hym so stout & grym; [brym.] [Petyt folio 6b:1]
Line 916
ffor þe Trogens wiþ hym helde,
þe boldeloker [boldelyer.] bar vp his schelde,
ffor he was on þat wolde þem saue,
& at his castles recet to [castell rescet.? retet, Lamb. MS.] haue.
Line 920
Wyþ his conseil & hys socour
Made þey Brutus þeyr gouernour. [The Petyt MS. adds—
& with his will & his lokyngWas sir Brutus chosen kyng.]
Brutus sey [sawe.] & vnderstod
Hys folk was alle strong & god,
Line 924
And hym self wel of myght
Þeym for to fende & to [þam forto defende in.] fight.
He dide enforce [did force.] þe casteles10 wel;
Hys folk he warned ilk a del,
Line 928
