" Bot non ne mighte for gold ne [no.] fe
" Out of þe schip gete ought to se."
Line 672
Þat herde telle þe quene Heleyne,
Nyght & day sche dide [scho did.] hire peyne,
Of þe kynge to haue grauntyse
To se þat ylke marchaundyse.
Line 676
What wyþ wel oþer [wele or.] wyþ wo,
Leue scheo gat [scho gate.] þyder to go.
¶ Exe de Raptu Helene Regine Grecie.
Vnto þe schip was scheo brought:
Parys þe [duk] [duke.] forgat he nought
Line 680
þat he ne dide as Venus bad.
ffor þe quene comynge he was fol glad;
ffaire iueles forth þey drowe, [þai droghe.]
& schewed þe [þat.] lady right ynowe;
Line 684
& whyles þei richesse bifore hure caste,
Þer sayl þey drow vp by þe maste.
Þys lady Heleyne gaf no tent,
Me non of hures, how þe schip out went;
Line 688
Wyþynne a þrowe, to [tuo.] mile or þre
Was þe schip wyþynne þe se.
¶ Whan þey weren fro þe lond,
Parys tok þe quene by þe hond:
Line 692
" Welcome," he saide, [Welcom Heleyne.] "art þou to me!
" ffor þe cam y [I com.] to þys contre;
" Now [ffor.] y haue þe, mykel is my ioye,
" Þy fairehede schal mende [sall amend.] al Troye; [þe quene com in his herte was glad.]
Line 696
