" After werre, god ys pes;
" & after wo, þe wele god ches;
Line 11,596
" In pes ys don gret vasselage,
" ffor loue men doþ gret outrage." [many rage.]
& at þat word þey set hem doun,
Þe kyng & ilka baroun.
Line 11,600
When þe kyng saw þem set,
Alle þat were til conseil fet,
Þe kyng þoughte a þrowe, [a while he þouht.] þen lifte his hed,
When þei hadde þer ianglyng leued: [carpyny leued.]
Line 11,604
" Barouns," he seide, "þat ben now here,
" ȝe are my felawes, me [& me.] ful dere;
" When y lese, ȝe haue part þer-ynne,
" & felawes ȝe are when þat y wynne;
Line 11,608
" When wo or werre haþ me comen,
" ȝour part wyþ me haue ȝe nomen,
" As felawes in prosperite [P. leaves out this line.]
" & felawes in aduersete; [P. leaves out this line.]
Line 11,612
" ffor wheþer y haue wonne or loren,
" ȝour hap wyþ me haue ȝe forþ boren;
" Þorow ȝoure help & god auys
" Hauy wonnen mikel pris;
Line 11,616
" By water, by londe, haue y ȝow led,
" Þorow ȝow in nede haue y wel sped;
" Euere y haue founde [all tymes haf .I. fon.] [Petyt folio 68b:2] ȝow trewe,
. " & euere ȝour conseil god & newe;
Line 11,620
" Alle þe londes þat y haue wonne,
" Wyþoute ȝow was nought bygonne.
" Þe Romayns, as ȝe haue herd [Lambeth folio 50b:1]
" By þys lettre þat here ys sperd, [þat here is folden & vp sperd.]
Line 11,624
" Me & ȝow þey manace fast,
" Wyþ grete wordes þey wene me gast.
