Boloyne he gaf to sire Holdyn,
And Mayne [þe Mannes. (Le Mans, Wace, ii. 92, l. 10,422.)] to Borel his cosyn;
He gaf giftes of honurs,
& landes & rentes, to vauasours.
Line 10,996
¶ Reuersio Arthury in Angliam, in Mense Aprilis.
When he had feffed his barouns,
& mad his priues lordes of touns,
Þe nexte April, when somer gan,
Til Ingeland wente ilka man.
Line 11,000
When men wiste þat þey wer comen,
Ageyn Arthur faste þey nomen;
Þey made suche ioye, non myghte be more;
Hys longe dwellyng þem for-þoughte sore;
Ladyes kyste þer lordes swete,
Line 11,005
Modres & childre for ioye gon [on childir for Ioy.] grete,
Sones welcomed þer fadres home,
& made al murthe for þer come; [at þer tocome.]
Line 11,008
Lemmans leue ilk oþer kest, [P. leaves out this line.]
Of more þey esed hem when þem lest; [P. leaves out this line.]
Neueus nyftes, [A.-Sax. nefa, a niece.] sistres broþer,
Ilka frend welcomede oþer;
Line 11,012
Þey stode in ilka strete & sty,
In grete routes men passed for-by, [in gashadles men passed bie.]
Þey spirde [to spir.] at hem 'how þey hadde faren,
' & whi þat þey so longe waren,
Line 11,016
' & how þey spedde of þeyr conquest,
' & what þey wonne [whan þei wan.] so fer est,
' & how þey ferde in al þer wo:
. " We wole namore ȝe fare vs fro."
Line 11,020
