" Y wol þe wedde, ȝyf þou wilt so."
Dame Igerne consented þer-to:
Line 9536
" Of no deseite nere wist y;
" Bot of þy weddyng, sire, graunt mersy."
Þe child scheo [scho had.] [Petyt folio 57a:1] conseyued byforn,
When tyme fel, hit was born:
Line 9540
Arthur was þe childes name,
A noble man, of ful gret fame.
A doughter þey hadde,—Anne sche hight,—
Þat gyuen was til a doughti knyght,
Line 9544
Vntil sire Loth of Lonneys;
Hys sone was Wawayn þe Curteys.
Syþen regned Vter ful longe,
& þan fel hym [in.] an yuel stronge;
Line 9548
Bedrede doun ful longe he lay,
& languissed so forþ fro [languysced fro.] day to day.
¶ D[e] Octa, filio Hengisty.
Þo þat kepte Octa, Hengistes sone,
& Ebessa, [Cosa.] at Londone in prysone,
Line 9552
Þey greued þem of þer [þei were greued of.] longe lokyng,
And Octa gaf þem mykel þynge.
ffor gyftes gyuen ofte & gret, [Lambeth folio 41b:2]
Þey leet hem scape of þe prison sket,
Line 9556
& wente wyþ hem ouer þe se
In-til Saxoyne, þeyr contre.
Þer gadered Octa ful gret host;
Toward our kyng þey blewen [he lewe.] bost;
Line 9560
He purchased [purueid.] hym a fflute on flod;
Wyþ men of armes & [with knyghtes & with.] archers god
