& happed hym warme, & bad hym slepe,
ffor in his lymes hit schold al lepe.
When þys Appas his nedes had sped,
Al so swyþe a-wey he fled;
Line 9020
And sone after in a þrowe [Lambeth folio 39b:1]
Þe kyng hit wiste, & men wel sowe, [knowe.]
Þat he scholde al-gate deye.
Þen preied he men þey scholde hym leye
Line 9024
At Stonhenges in a graue,
His byriels for to mene & saue.
On þys manere þe kyng was ded,
& beryed als after his red.
Line 9028
¶ De stella Cometa que apparuit.
Vter þat tyme in Walys was
Þat þe kyng was poysond wyþ Appas.
Als he was ded, þen ros a sterne
Þat many a man biheld ful ȝerne,
Line 9032
' Comete' ys cald in astronomye,
Kynges deþ [dede.] wil hit signefye.
ffro þat cam a bem ful bryght,
Onlyke on, þat lemede lyght;
Line 9036
Þe lemyng was boþe red & schir,
Lyke a dragon þat sparkled fyr;
Was þer neuere erl ne [was noiþer erle no.] baroun
Þat þey ne lykned hit til a dragoun.
Line 9040
Two brondes come out of his mouþ
Þat lightned Est, West, & [est with þe.] Souþ:
Vpon ffraunce lygh[t]ned [lighted.] þat on;
Þat oþer vntil Moungow schon;
Line 9044
Þe þridde, þat vntil [þrid vnto.] Irland ȝede,
In seuen braunches gan it [MS. þey. P. has it. (see 9096.)] sprede,
