ffor in ffortiger [for all þe kyng.] þey fond no grace.
Line 7728
Þe Bretons folewed þem & slowe;
Þo þat ascaped, to þe hil [Ilde.] þey drowe.
I þe yle þey assailled þem þer-ynne
Wiþ botes, as þey myghte þem [to þam.] wynne;
Line 7732
By þe se syde on þem þey carf; [Lambeth folio 34a:1]
O þe oþer syde for hunger þey starf.
Þan sey Saxons [þe sessons sauh.] on ilk syde wo,
& þoughte best [þare best it.] were to wende þer-fro;
Line 7736
Þey sente her sonde to ffortyger,
' Þat he wolde so sende to [wild praie sir.] Vortymer,
' To gyue hem leue a-wey to wende
' Wyþouten slaughter, [scaþe. P. leaves out the next two lines.] as he was hende;
Line 7740
' ffor þey ne leften nyght ne day
' Þem tasaille wyþ strong afray:
' His trewes, þer-fore, fond vs [In þis treus leue.] [Petyt folio 46b:1] to gete.'
Þen drowe þe Saxons [þe sessons drouh þam.] alle to a fflete,
Line 7744
& dight þer schipes, & sette vp sayl,
Left wyf & childre, & oþer porayl: [childe & oþer apparaille.]
On þis manere a-wey þey scaped,
Ouer se til oþer land þeym [Into þer awen lond þam.] raped.
Line 7748
¶ De Restauracione ecclesiarum per Vortimerum.
Vortymer dide þanne restore
Þat for þem hadde any lore.
He dide kirkes reyse & make,—
Þo þat Hengist dide doun schake,—
Line 7752
& dide Godes seruise be songe & seyd,
Þat for þe Payens longe was leyd.
