Vpon þat mayde his herte so kast,
What-so þey asked, [þat þei askid.] þe kyng mad fast.
Line 7616
I wene þe kyng tok hure þat day,
& wedded hure on Payens lay.
Of prest was þer no benisoun,
Ne messe songen, ne orysoun;
Line 7620
In sesyn þe kyng had hure [seisine he had hir. (si l'ot, Wace, l. 7183.)] þat nyght; [Lambeth folio 33b:1]
Of Kent he gaf Hengist þe ryght.
Þe Erl þat tyme þat Kent [Erell . . . . . Kent all.] held,
Sire Gorogon, þat bar [had.] þe scheld,
Line 7624
Of þat gyft no þyng he ne wyste
Til he was dryuen out [To he was cast oute.] wyþ Hengist.
Þe Payens conseil þe kyng vnderstod,
& despised þe Cristene blod;
Line 7628
& alle þe Cristene hym forsok,
ffor he hym to þe Payens tok;
His owen kynde hated hym mest, [kin hotid him.]
His children loued hym alder lest. [childir loued him alle lost.]
Line 7632
Byfore tyme he hadde a wyf,
But deþ hadde departed [Bot dede had depart.] þer lyf;
Wyþ þat wyf he had þre sones
Þat helde ageyn hym for þe Bretons;
Line 7636
Þe eldest highte sire Vortymer,
Þat oþer, Patens, and Catyger. [þe toþer Passence & Katiger.]
¶ De blandicione Hengisty.
Hengist wente wyþ þe kyng aboute,
To be syker for drede & doute,
Line 7640
& seyde, "y se hit on many gate
" Þat þou for me of summe hast [has.] hate;
