fful often Conan of hym wan,
So dide of hym Maximian:—
Hit ys þer chaunce þat werre bygynne,
Vmwhile to lese, vmwhile [som tyme to lose som tyme.] to wynne.—
Line 6400
Whan þei to-gedere had werreyed longe,
Men of gode ȝede þeym amonge,
Dide þem acorde in loue & pes,
So þat Maximian nought ne les;
Line 6404
He highte hym, for his emes [he het him þan for his eam.] sake,
A riche man he scholde hym make.
Þre ['five' says Geoffrey.] ȝer in pes, wyþouten fight,
He drow to tresour þat he myght;
Line 6408
He seide he wolde assaye þe [wild stande to.] chaunce,
Ouer se to wende, & wynne ffraunce,
& fro þenne wende to [fro þien vnto.] Rome,
Of his enemys to make dome,
Line 6412
And of alle þat wyþ hem helde, [Lambeth folio 28a:2]
Ageins hym fyghtynge in [þe] [agayn him fightand in þe.] felde.
¶ De nauigacione Maximiani versus Armoricham.
When he had folk, & was redy,
To schipe þey wente hastily.
Line 6416
Toward south-west þey passed þe se,
Aryued vp in a contre;
Armoriche was þenne þe name,
Bot now hit haþ an oþer fame.
Line 6420
Humbald was þer-in lord & sire,
Of Armoriche he held þenpire;
He dide somoune alle his barons,
A-wey to chace, & felle [to chace away.] þe Bretons.
Line 6424
Þe Bretons were of wel more myght;
