Whan Mauryk was to Rome y-comen,
He saw þat gret party was nomen
Bytwixten þis Maximian
& Valentyn & Gracian:
Line 6372
Þey stryue to haue þe empire;
Þe breþere hadde þer partie most seure. [þe breþer þe better partie.]
Sire Maurik þer Maximian fond,
& teldym [told him.] he was of þys lond;
Line 6376
Anon he bad him, "take leue [bad him leue all þat.] of Rome,
" & vntil Bretaygne smertly come,
" Þe kynges doughter for to take;
" Þou may þy party þe better make."
Line 6380
¶ De Maximiano Rege.
When Maximian þis tydynges herde,
Wiþ ioye to Bretayne wyþ Maurik [he] [he.] ferde:
Was non abyd ne no dwellynge
Til Maximian com to þe kynge.
Line 6384
Maximian at Southaumptoun gan ryue,
& asked þe kynges doughter to wyue.
Þan was Octauus al at ese;
Of his doughter he dide hym sese,
Line 6388
Wiþ al þe reome [& alle rengne.] [Petyt folio 38b:1] ilkadel,
& bad hym richely regne, & wel.
¶ Conan was wroþ, & made gret bost,
He alyed hym to þe Scottes cost;
Line 6392
Octauus, his em, he gan manace,
& Maximien wiþ [to.] werre dide chace;
Bot Maximian gaf nought of hym;
He stod ageyn Conan ful grym.
Line 6396
