At a passage as he went,
Þey breken of þeyr enbuschement; [put þam of þer bussement.]
Line 6312
Þo þat hym hated for Octauus
Slowen [slouh.] þer sire Trahernus.
ffor Octauus þey sende [sent.] þer sonde,
& sesed hym eft in to þe londe,
Line 6316
& corouned hym als he was er;
& alle þat comen wyþ Traher,
Euerilkon he [þei.] dide þem slo;
Ascaped non bot wyþ wo;
Line 6320
Syþen in pes þe lond gan welde,
& longe lyuede til gret [to right gode.] elde.
¶ De consilio Octaui per Karadukum.
Whan he had regned [regned in.] þis lond her,
Þe tyme of to & þritty [MS. ȝritty. P. þritty.] ȝer,
Line 6324
He sey þat of hym cam [sawe of him was.] non eyr
Bot a maiden child right feir;
He asked who moughte his doughter haue,
Þis lond for to loke & saue.
Line 6328
ffele of his frendes seid his [gaf.] reson,
To sende to Rome for a baron,
His doughter for to gyue to wyue;
So myghte þey pes haue in þer lyue.
Line 6332
Oþer þer were þat loued Conan,
Þe kynges cosyn, a noble man;
Þey conseilled to make hym ys eyr,
He myghte best, in þeir espeir. [þis was þer speire.]
Line 6336
Þen spak þe Erl of Cornewaille,
