Noblely wiþ solempnete;
Line 5592
& when þe feste was brought til ende,
Claudius to Rome ageyn gan wende.
¶ De aduentu Sancti Petry Apostoly.
I fynde writen, ȝow to teche,
Þat in Nero tyme seint Peter gan [þat tyme ȝede saynt Petir to. (A cel terme, Wace, l. 5214.)] preche.
Line 5596
ffro Antyoche þat tyme he cam,
Þorow prechyng brought hit to Cristendam,
And was comen right in to [late to.] Rome,
And preched þere of Cristes dome.
Line 5600
¶ Whan gon was sire Claudyus, [Lambeth folio 24b:2]
In Bretayne regned Arwygarus;
Of hym self he let right mykel,
Bot proud he was, & a party [a partie.] fykel;
Line 5604
Þe true [treuage.] to Rome gyue he nolde,
ffor he dedeyned [he deyned not.] of hem to holde;
Þe Romayns þoughte an outrage
So for to lese þer truage;
Line 5608
¶ Þey senten hyder [after.] VASPASYAN,
Maister of Rome was he þan.
At Douere wolde he vp a-ryue;
Þe kyng hit herde, & þyder gan dryue,—
Line 5612
As hit ys founden in [þe Latyn sais .I. wene.] Ebru,
Douere þen highte Reptupu, [Ritipu.] —
Þer fended he [defended.] Vaspasian þe lond.
Þer sailles ageyn on mast þey wond,
Line 5616
& seyled by þe landes syde
Tyl Toteneys, þer gon þey ride.
