¶ Dicta Iulii Inperatoris.
Iulyus answered & seide right þus:
" Wel han y herd of sire Brutus;
Line 4216
" He saide he com of Eneas kynde,
" Bot ryghtly born nought we fynde;
" He com of Eneas, þat held þo landes
" Þer Rome our cite now yn standes;
Line 4220
" ȝyf he were born of Eneas kyn,
" Þorow kynde y sette chalange þer-yn;
" Chalange y wole þat lond þorow ryght,
" Þat Eneas kynde gete þorow [had of.] [Petyt folio 26a:1] myght.
Line 4224
" Ys þat lond — loke [Es ȝon þat Ilde þat.] ȝe me kenne—
" Þat bolde Belym was of, & Brenne,
" Þat oure cite of Rome wan,
" Oure se[n]e, & [our seene (senate).] destruyed ilkaman?
Line 4228
" Wel schal þey wite, whyle [witte till.] y am her,
" Þat Rome ys now of more power!
" & right hit were, & reson hit welde,
" Þat þey til vs truage schold ȝelde:
Line 4232
" ȝone ilde was Belynes, & Rome was his;
" Gret skil haue y þenne þorow þys,
" ffor to sette chalange þer-inne,
" Þat his lond was, þorow right to wynne.
Line 4236
" By letteres woly hem first somoune,
" To here þer wyl, what þey respoune;
" Nought ne woly passe þe se
" Til y wyte how þey answere me.
Line 4240
" ȝyf þey to my pes wille hem chese,
" & ȝeld hit me, þey schol nought lese;
" ȝyf þey ne wol nought bot wyþ stour,
" y dereyne þe lond for our."
Line 4244
Þay dide Iulyus write a bref,
& schewed hem how he was chef,
