Lytel while was ilkon kyng,
Alle made þey sone þer endyng.
Androcheus sone highte Vryan, [Rex.]
He regned a ȝer, & deide þan.
Line 4000
After Vrian, Elyud men ches; [Rex.]
He hadde his tyme þe lond yn pes.
After Elyud, Endacius; [Cledamus, Geoff. M. Clédan|tius, Wace, l. 3737.] [Rex.]
After þan, Doten [Cletonus, Geoff. M. Cloten, Wace, l. 3738.] ; syþen Gurguttus; [Reges.]
Syþen was Merian, fayr in chere, [Rex.]
He couþe of wode & of ryuere;
Line 4006
In alle manere venurye,
Hym lyked best swylke maystrie.
Line 4008
Ladies bed hym of loue ynow,
Bot to non of hem wolde his loue bow,
Bot onlyke til his owen wyf;
So ended Merian his lyf.
Line 4012
After Meryan was Bleludo [Rex.]
His sone, & couthe of wode also;
Large he was, & gaf bleþely,
He spared to [of.] non þat was worþy;
Line 4016
Alle men hym loued, for he was fre,
Erl, baron, & knyght, & oþer meyne.
After þys noble Bleludo
Cam Capes,—hys name was so;— [Rex.]
Line 4020
After Capes, Oeneus; [Rex.]
After Oeneus cam Sysillius; [Rex.]
After Sysilly com Glegabret, [Blegabret.] [Rex.]
A syngere of þe beste get; [þat was a syngere of þe get.]
Line 4024
Of song & of mynstrecye
Alle men gaf hym þe maystrie;
Þe note he couþe of alle layes,
Of mynstrecye al þer assayes; [& mynstralcie all þe saies.]
Line 4028
