Archers & arblasters þem next; [neste.]
Line 3536
Þe Myle[ne]rs & þe Centaynes [Milleners & centeners.]
ffolewed faste on þo Romaynes;
Sire Galbao, [Gabao.] þer gouernour,
He bated hym o þe Bretons stour;
Line 3540
Bot slayn was sire Galbao, [Gabao.]
Þat al þer trist was vnto;
& [þat. ] Prosenna was brought right [was born.] [Petyt folio 22a:1] doun,
On hem þe Bretons wonne þe toun;
Line 3544
Prosenna þey tok a[l] quyk; [all quike.]
Þey persed þe Romayns bataille þyk,
& al þer force doun þey slow,
& to þe cite faste þey drow.
Line 3548
Þe toun might þey defende namore,
Þe cheftayns were slayn þat þer wore;
Þe breþere come vntil þe cite,
& founde þer-inne richesse plente.
Line 3552
Belyn gaf Brenne al þe empyre,
And he was Enperour & sire;
Þe folk of hym þey had gret doute,
His fomen þorow force dide þem aloute, [did he loute.]
Line 3556
[Long he regned Emperoure [From the Petyt MS.] ]
Þat neuere dirst Romayn stire in his stour. [romeyn durst stir him stoure.]
Belyn to Bretayne þen gan turne,
He wold no lengere þer soiourne;
Line 3560
& when he com vntil þis lond,
Þe olde cites þat he fond,
He closed þem, & mad hem newe,
Þe walles he reisede trist & trewe.
Line 3564
In Walys he dide make a toun;
Kaerusik [kaerusk.] he caldit on bretoun,
