ffor Humbert gan þer mys-falle,
Sire Lokeryn dide þe water calle
Humber, after sire Humbert,
ffor he dreynte þerin in apert. [for he dronkend þer in apert.]
Line 2008
ffro Alemaigne sire Humbert cam,
Þe ildes he robbed al so he nam.
Sire Lokeryn tok þat he had reft,
Þre faire maydenes in his schip [þe maydens in his schyppe.] were left:
Line 2012
þe kynges doughter of Germyne
Was þe fairest of alle [þase.] [Petyt folio 13a:1] þre.
Sire Lokery[n] byheld faste [ȝened mykill.] þat may,
Scheo was þe fairest til [scho was fairest vnto.] his pay;
Line 2016
Tendrely he dide hure ȝeme,
Of alle scheo was most til his [of alle women scho mot hym.] queme;
Estrilde þat maiden hight,
Was non so fair in Lokerynes [non fairere in Lokerin.] sight.
Line 2020
Corineus, ȝit lyued he þo,
He hadde a doughter, & [& childere.] no mo;
He had spoken wiþ Lokeryn
To wedde his doughter Gwyndolyn; [Guendoline.]
Line 2024
Lokeryn & he were in couenaunt, [conaunt.]
& þey boþe had mad þe graunt,
Þat, for þe loue of fair Estrilde,
Lokeryn haf brokene hit, fayn he wylde. [broken it wilde.]
Line 2028
Corineus herde hit sone seye:
þer Lokeryn was, he tok þe weye;
An ax in his hand he tok,
On Lokeryn loþliche gan he lok,
Line 2032
& angrily til [wrothfully to.] hym he spak,—
Nought bot wrathe [ne bot wreth of.] his mouþ brak,—
