So þat of þe castel · wiþinne com a route ·
Line 11,240
Toward þe ȝat to helpe · sir edward wiþoute · [wiþoute] þt was wt oute C.]
Ac grimbaud pauntefot · aȝen hom sone com · [Ac] as C. pauntefot] paunsefot C.]
& mid poer hom turnde aȝen · & some of hom nom · [mid] wt C.]
Sir edward turnde in to þe med · þo he ne sei oþer cas · [turnde] om. C.]
& a ssip of teuskesburi · þat þe abbodes was ·
Line 11,245
· Henricus · [folio 158b]
Bi seuerne wende þer · sone he it nom · [þer sone] þt sone C.]
& þerinne bi þe water · in to þe castel com ·
Anon so he was wiþinne · vpe þe tour an hey ·
He arerde is baner · þat me wide isey ·
Þo þe baruns þat isei · sori hii were echon · [Hearne page 543]
Line 11,250
In þe toun half þun castel · hii asailede anon · [þun] þane C.]
& hii wiþinne casten out · mid hor ginnes vaste · [mid] wt C.]
So þat bituene hom · þe biker longe ilaste · [ilaste] laste C.]
Sir Ion giffard fram brumesfeld · þuder sone com · [brumesfeld] bremmesfelde C.]
To þe castel med wiþoute toun · þun wei sone he nom · [þun] þane C. he] om. C.]
Line 11,255
& þe castel-brugge out of þe med · he barnde fram þen ende · [of] om. C.]
To þe tubrugge along · vor me ne ssolde out wende · [tubrugge] tuybrugge C. vor me] þt hi C.]
Mani was þe vair biker · & þe vair asaut al so ·
Þat bituene þe castel & þe toun · ofte was ido ·
Sir edward & is poer · ofte were wiþinne ·
Line 11,260
Vpe þe point to smiten out · bataile to biginne ·
