In þe quer of hailes · an hey in a vair place ·
Tuelf hundred & on & sixti · as in ȝer of grace ·
Al þis time was sir edward · biȝonde se aboute · [Al þis] Al þe C.]
& hauntede torneimens · wiþ wel noble route · [torneimens] turnemens C.] [Tornia|menta edwardi.]
Line 11,041
Wiþ gascoine þat was his · & gode kniȝtes adde ·
As sir warin of bassingbourne · þat him aboute ladde ·
· Henric[us] · [folio 156a]
& sir hamond þe strange · & sir gemes of audele · [hamond þe strange] haumond le stronge C.]
Sir roger of clifford & oþere · uort he com aȝe ·
Line 11,045
Þe quene was ek biȝonde se · & þe kinges breþeren al so · [se] þe se C.] [Hearne page 535]
& euere þoȝte hou hii miȝte · þe purueance vndo · [þoȝte] hi þouȝte C.]
Hii porchasede þat þe pope · asoilede iwis ·
Of þe oþ & of þe mansinge · þe king & alle his ·
Þo was it þe kinges wille · & is conseilers also · [& is] & þe C.]
Al out ȝuf hii miȝte · þe purueaunce vndo ·
Line 11,051
It was euere þe quene þoȝt · so muche so heo miȝte þenche ·
Mid conseil oþer mid sonde · oþer mid wimman wrenche · [wimman] womman C.]
& þo sir edward was iproued · hardi kniȝt & god · [was iproued] yproued was C.]
Aȝe þe porueaunce al so · he turnde al is mod ·
So þat þe erl of gloucetre · Richard deide þo · [gloucetre] gloucestre C.] [Obitus comitis glouernie.]
Line 11,056
Þo was þe baronie · wel in þe more wo · [wel] om. C.]
Þe king gaderede is poer · & sir edward al so ·
& þe king of alimaine his · & mani oþer þerto ·
