Sir Richard erl of cornwaile · þulke ȝer wende al so ·
At missomer to þe holi lond · & mani god kniȝt þer to · [kniȝt] knyȝtes C.]
Line 10,881
Þer after in Ieniuer · Isabel is wif · [Obitus comitisse.]
Contesse of gloucestre let · at bercamstude þat lif ·
Ibured heo was at beulu · & ir hert ibured is · [heo] om. C. beulu] beulew C.] [Hearne page 529]
At teukesburi & ir gottes · at messendene iwis ·
Line 10,885
Þo sprong þer gret contek · bituene henri vr king · [henri] om. C.]
& þe erchebissop seint edmund · & noȝt vor lute þing ·
· Henricus · [folio 154a]
Vor þe king þo he adde iwiued · & an eir adde al so · [þo] om. C.]
He drou to oþer conseil · þan he was iwoned to do ·
& of þe riȝtes of holichurche · & of þe gode olde lawe ·
Line 10,890
Þat he adde of is chartre ymad · he him gan wiþ drawe ·
Seint edmond pitosliche · wel ofte him bi souȝte ·
Þat he wiþdrowe of is dede · & bet him bi þoȝte ·
Ac it was euer þe leng þe wors · so þat atte laste ·
Seint edmond him huld stedeuast · & amansede vaste · [edmond] om. A; edmunde C. stedeuast] stable C.]
Alle þat holichurche · in suich vnriȝt broȝte ·
Line 10,896
& wende uorþ ouer se · vort þe king him bet biþoȝte ·
& deide ar he come aȝe · & ibured was ek þer · [Obitus sancti edmundi.]
As in ȝer of grace · tuelf hundred & fourti ȝer · [ȝer] þe ȝer C.]
Þo Richard erl of cornwaile · to þe holi lond com · [terra sancta.]
Þe soudan somdel uor fere · Triwes wiþ him nom ·
& alle prisons & sarazins þat in heþenesse were · [prisons & sarazins] þe prisons slauyns C.]
Inome & in prison ido · he deliuerede him þere · [him] hom C.]
Line 10,903
