& to drou & bileuede · þe barons in o þouȝt ·
Nome hor conseil & sede · þat hii nolde it þolie noȝt ·
Ne þe luþer lawes þat he huld · ac bede him wiþ|drawe · [Hearne page 510]
Line 10,494
Is luþer wille & granti hom · þe gode olde lawe ·
Þat was bi seint edwardes day · & suþþe adoun ibroȝt ·
Þoru him & þoru oþere · þat were of luþer þouȝt ·
Þe king glosede her & þer · & made it somdel touȝt ·
Ac þo it com to þe strengþe · he nolde it graunti nouȝt ·
Line 10,499
· Iohannes · [folio 149a]
Þe contesse isabel · þat þerl mareschales douȝter was ·
To gileberd erl of gloucestre · ispoused was in þis cas ·
Line 10,501
Maister alixandre nequam · þat canon was er ·
Imad was of cirencestre · abbod þulke ȝer ·
Þe barons orne vpe king · mid hor poer so vaste ·
Þat he made of þe olde lawes · is chartre atte laste ·
To holde uor him & uor is eirs · & aselede is vaste inou ·
Line 10,506
Ac suþþe as vnstable man · wiþ sede & wiþ drou ·
& wanne him muche strange folc · of biȝonde se ·
& some as god it wolde · ne come neuere aȝe ·
& largeliche hom ȝef inou · of is barones londe ·
& is castles aboute · tok hom vaste an honde ·
Line 10,511
In diuerse contreies · & þut lond to bitraye ·
Ordeinede þat hii ssolde · alle in one daye · [Hearne page 511]
& in one time wende out · ech in is side ·
& robbi so an oniwar · þe contreie aboute wide ·
Riȝt al so it was ido · þat in one time riȝt ·
Line 10,516
Hii smite out of hor castles · Iarmed wel apliȝt ·
& robbede þe contreies · al an oniwar ·
& of [orf] & tresour · made is sone bar ·
& wo so nolde aȝen hom · at hor wille fine ·
Line 10,520
Hii barnde hous & oþer god · & defoulede louerd & hine ·
