& þe sonenday of þe passion · amansede alle þe ·
Þat avilede so holichirche · þat mid riȝte was so fre ·
Þe morwe as þe monenday · an seinte Marie eue ·
Line 10,180
Þe holi time þat þo was · hii nolde leng bileue ·
Þis bissopes wende to churche · as to nime þer hor leue ·
& ef sone pitosliche · þis mansinge ȝeue ·
& entreditede al þis lond · & walis al so ·
Þat noþing of cristendom · þer inne nere ido ·
Line 10,185
Vort of is luþer dede · þe king him wiþdrowe ·
Out of churche men hii driue · wepinde ynowe ·
· Iohannes · [folio 145a]
& pitosliche hom sulue · wende out atte laste ·
& þe doren after hom · wepinde loke vaste ·
& binome al cristindom · þe holi time alas · [Hearne page 496]
Line 10,190
Hou miȝte be of cristinmen · more wo þan þis was ·
Þe king þo as vor wraþþe wod · let nime in is hond ·
Alle þe erchebissopes · god · þat he vond in þis lond ·
Maners & oþer þing · & is medes let mowe ·
& vorbed þat me ne ssolde · non of is lond sowe ·
Persones þing he solde men · þat mest wolde þeruore ȝiue ·
Line 10,196
Þat hii nadde þer of nout · bote vnneþe hor biliue ·
& hor bernes dores acelede · & al clene out hom caste ·
Þe bissopes þo in hor alf · amansede vaste ·
Alle þat suich dede dude · king & quene boþe ·
Line 10,200
& hor Iustizes ek · þo were þer manie wroþe ·
Þe bissop of londone · of eli of roucestre ·
& þe bissop of hereuorde · & þe bissop of wurcestre ·
Of þis mansinge were principals · & susteinede it vaste ·
& wende uort it betere were · ouer se atte laste ·
Line 10,205
Alle clerkene lefmen · in prisoun þe king brouȝte ·
Vort at is owe wille · hor maistres hom out bouȝte ·
So þat in ech half · sorwe ynou þer com ·
Ac þe meste was alas · þat þer nas no cristendom ·
Þe king þo he sey þe wo · þat was in his londe · [Hearne page 497]
Line 10,210
To þe erchebissop he sende · over se is sonde ·
