To rome hii were boþe isent · þis louerdinges tueye ·
To be isacred of þe pope · ac he vorsok hom beye ·
Ac maister stefne of langetone · ibore of engelonde ·
He made erchebissop · & sacrede wiþ is hond ·
· Iohannes · [folio 144b]
Þe couent was wel ipaid · ac þe king nouȝt ·
Line 10,150
Vor he suor in engelond · he ne ssolde ariui nout ·
Ne erchebissop be bi is daye · þei he ssolde þeruore deye ·
Þo þe pope þis ihurde · he nom it wel heye ·
Line 10,153
He sende to alle þe bissopes · of þis lond is sonde ·
Þat entredit in is name · hii dude in al þis londe ·
Þe king was þo he hurde þis · wroþore þan he was er ·
Þe monekes of canterbury · alle þat he vond þer ·
Þat miȝte go he drof out · of is kinedom ·
& al þe erchebissopriche · in is hond he nom ·
Henri is eldoste sone · ibore was in þis wo ·
Line 10,160
As in tuelf hundred ȝer · & eiȝte & nammo ·
At winchestre at alle halwetid · þat suþþe was vr king ·
Þe king vorbed ek in þis lond · al þe popes playd|inge ·
Of bullen & of oþer þing · þat he nadde poer non ·
Þe bissops wende ek ofte · to þis king Ion ·
Line 10,165
& lettres þat þe pope hom sende · him ssewede mo|nion ·
& felle adoun to is fet · wepinde echon ·
& criinde pitosliche · þat he ssolde hom vnderstonde · [Hearne page 495]
& abbe reuþe of cristendom · & of engelonde ·
Ac al ne miȝte it helpe noȝt · so þat atten ende ·
Þis bissopes to londone · echone gonne wende ·
Line 10,171
A lute biuore candelmasse · & abbodes al so ·
& conceil made general · þis entredit to do ·
Ac þoru bisokne of þe king · delayed it was ȝute ·
Vorte wiþinne leinte · ac it was wurþ lute ·
Line 10,175
Vor þe king was euere þe leng þe wors · & þo it ne miȝte oþer be ·
Þe bissopes as hi nede moste · bi gonne hom bi se ·
