Þe erl Ion worrede vpen hom · þat aȝen hom were out · [worrede] worrrede A. vpen] vpon C.]
He wuste þat þe king of france · ne louede is broþer noȝt ·
Þeruore he wende ouer se · & is man he bicom · [he] om. C.]
To helpe him aȝen is broþer · to winne the kinedom ·
So þat þe king & he · king richardes lond · [king] kyng phelip C.]
Line 10,000
Destruede vaste in normandie · & here in engelond · [Destruede] destrude C.]
Þis word com to king richard · in sirie as he was ·
He suor he wolde awreke be · of þis vil trespas ·
He bileuede is noble dede · of þe holi lond alas · [folio 142b]
& triwes nom of saladin · vor þis luþer cas ·
Line 10,005
Þre ȝer þat ech þing were · in peis hom bituene ·
& wende him toward engelond · to awreke him of is tene ·
Alas alas þulke stounde · uor he ne dude neuereft note · [omitted in C.]
In þe holi lond ne com aȝen · ar he was issote · [omitted in C.]
Sir Marchion de mount ferre · a gret louerd islawe was · [islawe] aslawe C.]
Line 10,010
In alimaine þer biuore · in a wonder cas ·
Þer uore as king richard · þoru alimaine com ·
Þe duc of ostrich anon · mid is poer him nom ·
& sede þat sir Marchion · aslawe was þoru is rede ·
To þe king of alimaine · vaste he let him lede ·
Line 10,015
Þe beste bodi of þe world · in bendes was ibrouȝt · [world] worle C.] [Hearne page 489]
Ac þe king of fraunce ne þe erl Ion · it ne of þoȝte noȝt · [ne þe erl] ne erl C.]
Vor hii destruede in engelond · is lond þoru alle þing ·
& in normandie also · vor Ion wolde be king ·
