& worre hom bituene · vor þe king of fraunce ·
Cudde vpe þe king of engelond · gret destourbance · [Cudde . . . . engelond] Vp þe kynges lond of engelond dude C.]
& richard þe kinges sone · þat so god kniȝt was ·
Line 9890
Aȝen is fader turnde · to þe king of france alas ·
& dude him omage anon · alas alas þe stounde · [Hearne page 481]
& fondede mid worre · to bringe is fader to grounde ·
Þe olde man in normandie · worrede aȝen hom vaste ·
& slou & barnde vp is fon · þe wule is lif ilaste · [wule] while C.]
· Ricardus rex · [folio 141a]
Ac he deide in þe worre sone · in anguisse & in pine ·
Line 9896
As endleue hundred ȝer of grace · & eiȝteti & nine · [As] As in C. eiȝteti] eiteti C.]
Þe sixte day of Iul he deide · & mid gret onour & prute · [mid] wt C. prute] prude C.]
At founte ebraud he was ibured · as he liþ ȝute · [founte ebraud] fount ebraud C. as he liþ] & þar he liþ C.]
Ac gefray erl of brutaine · is sone þre ȝer biuore ·
Deide þat bituene richard · & king Ion was ibore ·
& bileuede bihinde him · is sone þat het arþure ·
& is doȝter elianore · as ȝe ssolle her after ihure · [ssolle] schulle C.]
[R] Ichard king henries sone · to engelonde com · [henries] henri C. engelonde] engelond C.] [Hearne page 484]
And after is fader deþe · aueng þe kinedom · [fader] faderes C. kinedom] kyngdom C.]
Line 9905
Þe verþe day of septembre · he let him crouny iwis ·
At westmunstre hasteliche · as þe riȝte crouninge is · [westmunstre] Westmyster C. riȝte crouninge] ryȝt crouny C.]
Of þe erchebissop of kanterbury · baldewine þat was þo · [Hearne page 485]
In a sonenday as it vel · gywes to muche wo · [sonenday] sonedai C.]
